TRENDING:
ലുധിയാനയിലെ ഓട്ടോ ഡ്രൈവര്മാരുടെ(Ludhiana Auto Drivers) യോഗത്തില് പങ്കെടുക്കുകയായിരുന്നു അരവിന്ദ് കേജ്രിവാള്. 'ഞാന് നിങ്ങളുടെ സഹോദരനെ പോലെയാണെന്നും എന്ത് പ്രശ്നമുണ്ടായാലും, അത് നിങ്ങളുടെ ഓട്ടോ കേടായതാണെങ്കില് പോലും നിങ്ങള്ക്ക് എന്റെ അടുത്തേയ്ക്ക് വരാമെന്നും യോഗത്തില് അദ്ദേഹം പറഞ്ഞിരുന്നു. തുടര്ന്നാണ്
ഓട്ടോ ഡ്രൈവര്മാരില് ഒരാള് അദ്ദേഹത്തെ വീട്ടിലേയ്ക്ക് ഭക്ഷണം കഴിക്കാന് ക്ഷണിച്ചത്. എല്ലാവരെയും അത്ഭുതപ്പെടുത്തി കൊണ്ട് അദ്ദേഹം ആ ക്ഷണം സ്വീകരിക്കുകയും ചെയ്തു.
ഓട്ടോ ഡ്രൈവറായ ദിലീപ് തിവാരിയാണ് കേജ്രിവാളിനെ ഭക്ഷണം കഴിക്കാനായി വീട്ടിലേക്ക് ക്ഷണിച്ചത്. 'ഞാന് നിങ്ങളുടെ ഒരു വലിയ ആരാധകനാണ്. ഞാനൊരു ഓട്ടോക്കാരനാണ്. താങ്കള് ഓട്ടോ ഡ്രൈവര്മാരെ സഹായിക്കുന്നു. ഈ പാവപ്പെട്ട ഓട്ടോക്കാരന്റെ വീട്ടിലേക്ക് ഭക്ഷണം കഴിക്കാന് താങ്കള് വരുമോ? ഞാന് ഹൃദയത്തില് നിന്നാണ് അങ്ങയെ ക്ഷണിക്കുന്നത്' ചോദ്യോത്തര വേളയില് മൈക്ക് എടുത്ത് ദിലീപ് ചോദിച്ചു.
advertisement
ഇത് കേട്ട് സദസ്സ് കൈയ്യടിക്കുകയും കെജ്രിവാളിന്റെ മറുപടിക്കായി എല്ലാവരും ആകാംക്ഷയോടെ കാത്തിരിക്കുക.ും ചെയ്തു.
'തീര്ച്ചയായും, ഇന്ന് രാത്രി?' ഇതായിരുന്നു അദ്ദേഹത്തിന്റെ മറുപടി. അന്ന് രാത്രി തന്നെ കെജ്രിവാളും അദ്ദേഹത്തിന്റെ പാര്ട്ടി സഹപ്രവര്ത്തകരും ദിലീപിന്റെ വീട്ടില് അത്താഴം കഴിക്കാനെത്തുകയും ചെയ്തു.
'ദിലീപ് തിവാരി ഇന്ന് അത്താഴത്തിന് ഞങ്ങളെ അദ്ദേഹത്തിന്റെ വീട്ടിലേക്ക് ക്ഷണിച്ചു. അദ്ദേഹത്തിന്റെ കുടുംബം ഞങ്ങളോട് വളരെയധികം സ്നേഹത്തോടെയാണ് പെരുമാറിയത്. ഭക്ഷണം വളരെ രുചികരമായിരുന്നു. ഞാന് അദ്ദേഹത്തിന്റെ കുടുംബത്തെ ദില്ലിയിലെ എന്റെ വീട്ടിലേയ്ക്ക് ഭക്ഷണം കഴിക്കാന് ക്ഷണിച്ചിട്ടുണ്ട്' അത്താഴത്തിന് ശേഷം കെജ്രിവാള് പങ്കുവെച്ച ട്വീറ്റ് സമൂഹമാധ്യമങ്ങളില് ഇതിനോടകം തന്നെ വൈറലായിക്കഴിഞ്ഞു.
Click here to add News18 as your preferred news source on Google.