'കരിക്ക്' ടീം ഇല്ലാതെ എന്ത് ഓണം; പതിവ് തെറ്റിക്കാതെ ഇത്തവണയും പുതിയ വീഡിയോ പുറത്ത് വിട്ടു

ഇത്തവണയും ഓണത്തിന്റെ പതിവ് തെറ്റിക്കാതെ കരിക്ക് ടീം എത്തിയിട്ടുണ്ട്. കോമഡിയോടൊപ്പം കുറച്ച് ഹൊർ കൂടി ചാലിച്ചാണ് ഇത്തവണത്തെ വീഡിയോ പുറത്തിറക്കിയത്. ജാം എന്നാണ് പുതിയ വീഡിയോയ്ക്ക് നൽകിയിരിക്കുന്ന പേര്. വീഡിയോയുടെ ആദ്യ ഭാഗമാണ് കഴിഞ്ഞ ദിവസം പുറത്ത് വിട്ടത്.

ബിനോയ് ജോൺ ആണ് പുതിയ വീഡിയോയുടെ കഥയും സംവിധാനവും. കരിക്ക് ടീമാണ് വീഡിയോയ്ക്ക് സംഭാഷണങ്ങൾ ഒരുക്കിയത്.

ആനന്ദ് മാത്യൂസ്, സിദ്ധാർത്ഥ് കെടി, അഭിജിത് കൃഷ്ണൻ എന്നിവരാണ് അസോസിയേറ്റ് ഡയറക്ടർമാർ. കരിക്കിലെ അഭിനേതാക്കളിൽ ഒരാളായ ആനന്ദ് മാത്യൂസ് തന്നെയാണ് ജാമിന്റെ എഡിറ്റർ. ഷൈൻ ജോസ് ആണ് സംഗീതം.