വാഴ സിനിമയിലെ 'ഏയ് ബനാനേ... ഒരു പൂ തരാമോ...' എന്ന ഗാനത്തിന്റെ ഈണത്തിൽ ഇറങ്ങിയ ക്രിസ്മസ് ഗാനത്തിനൊപ്പമായിരുന്നു പൊലീസുകാരുടെ ഡാൻസ്. അതിവേഗമാണ് ഇതിന്റെ വീഡിയോ വൈറലായത്. ഒട്ടേറെപേരാണ് പൊലീസുകാർക്ക് പിന്തുണയുമായി രംഗത്തെത്തിയിരിക്കുന്നത്. സ്റ്റെപ് ഒരു രക്ഷയുമില്ല പൊളി ഐറ്റം, ലെ പൊലീസ് സ‍‍ർ: ടഫ് സ്റ്റെപ്സ് ഒൺലി..., പൊലീസ് കൂടുതൽ ജനകീയമാകട്ടെ.. തുടങ്ങിയ കമന്റുകളാണ് വീഡിയോക്ക് ലഭിക്കുന്നത്.
ഇതിനൊപ്പം തന്നെ പൊലീസുകാരുടെ ആഘോഷ വീ‍ഡിയോയ്ക്ക് എതിരെ നടപടി ഉണ്ടാകുമോ എന്ന ആശങ്കയും ചിലർ പങ്കുവെച്ചിട്ടുണ്ട്. ഡ്യൂട്ടിയിൽ ഇങ്ങനെ ചെയ്താൽ സർക്കാർ ആക്ഷൻ എടുക്കില്ലേ എന്നാണ് പലരുടെയും ചോദ്യം.
മുൻപ് ജില്ലയിലെ തിരുവല്ല നഗരസഭയിൽ ജീവനക്കാർ റീൽ ചിത്രീകരിച്ചത് വലിയ വിവാദമായിരുന്നു. അവധി ദിനമായ ഞായറാഴ്ച അധിക ജോലിക്കിടയിൽ ചിത്രീകരിച്ച റീൽ സോഷ്യൽ മീഡിയയിൽ ലൈക്കുകളും കമന്റുകളും വാരിക്കൂട്ടിയിരുന്നു. ഇതിന് പിന്നാലെ റവന്യൂ വിഭാഗത്തിലെ വനിതകളടക്കം 9 പേര്‍ക്ക് സെക്രട്ടറി കാരണം കാണിക്കല്‍ നോട്ടീസ് നല്‍കി. ജൂണ്‍ 30 ഞായറാഴ്ചയാണ് റീല്‍സ് ചിത്രീകരിച്ചത്. ഓഫീസില്‍ സന്ദര്‍ശകരില്ലാതിരുന്ന അന്ന് ഇടവേള സമയത്താണ് ചിത്രീകരിച്ചതെന്നും ജോലികള്‍ തടസപ്പെട്ടിട്ടില്ലെന്നും ജീവനക്കാർ വിശദീകരണം നൽകുകയായിരുന്നു.