വീട്ടില്‍ അതിക്രമിച്ച് കയറിയ അക്രമിയെ ഇടിച്ചിട്ട പ്ലസ്ടുക്കാരിക്ക് അഭിനന്ദനവുമായി സുരേഷ് ഗോപി

വീടിനുള്ളില്‍ അതിക്രമിച്ച് കയറി കത്തിവീശിയ അക്രമിയെ കരാട്ടെ ബ്ലാക്ക് ബെല്‍റ്റുകാരിയായ അനഘ ഇടിച്ചുവീഴ്ത്തിയത്  ശ്രദ്ധിക്കപ്പെട്ടിരുന്നു. ഇതിന് പിന്നാലെയാണ് അനഘയെ കാണാന്‍ സുരേഷ് ഗോപി താല്‍പര്യം പ്രകടിപ്പിച്ചത്. അനഘയ്ക്കും കുടുംബത്തിനുമൊപ്പം ഭക്ഷണം കഴിക്കാനും താരം സമയം കണ്ടെത്തി. വിളിപ്പുറത്തുണ്ടാകുമെന്ന ഉറപ്പും നല്‍കിയാണ് സുരേഷ് ഗോപി മടങ്ങിയത്.അതേസമയം പെണ്‍കുട്ടിയെ ആക്രമിക്കാന്‍ ശ്രമിച്ചയാളെ ഇതുവരെ പൊലീസിന് പിടികൂടാനായിട്ടില്ല.