'നല്ല ബാങ്ക്, ഒരു രൂപ പോലും കിട്ടിയില്ല; അതുകൊണ്ടു എന്നെ പിടികൂടരുത്'; ബാങ്ക് കൊള്ളയടിക്കാൻ കയറിയ കള്ളൻ കത്തെഴുതി മടങ്ങി

വ്യാഴാഴ്ച രാത്രി തെലങ്കാന ഗ്രാമീണ്‍ ബാങ്കിലാണ് സംഭവം. പ്രധാന വാതിലിന്റെ പൂട്ട് തകർത്ത് അകത്ത് കടന്ന മോഷ്ടാവ് ബാങ്കിന്റെ ലോക്കറുകൾ തുറക്കാൻ ശ്രമിച്ചെങ്കിലും സാധിച്ചില്ല. ശ്രമം പരാജയപ്പെട്ടുവെന്ന് മനസ്സിലാക്കിയ കള്ളൻ അവിടെ നിന്ന് പെട്ടെന്ന് മടങ്ങാൻ നിൽക്കാതെ ബാങ്കിലെ ശക്തമായ സെക്യൂരിറ്റി സംവിധാനത്തെ പ്രകീര്‍ത്തിച്ച് കുറിപ്പ് എഴുതി വയ്ക്കുകയായിരുന്നു. എനിക്ക് ഒരു രൂപ പോലും കിട്ടിയില്ല. അതുകൊണ്ടുതന്നെ എന്നെ പിടികൂടരുത്. എന്റെ വിരലടയാളം അവിടെ ഉണ്ടാകില്ല. നല്ല ബാങ്കാണിത്- മോഷ്ടാവ് പേപ്പറിൽ കുറിച്ചു.

advertisement

Also read-‘ഇത് സ്പെഷ്യൽ മസാല’; ലാലു ജിയുടെ സിക്രട്ട് റെസിപ്പി’; ചമ്പാരൻ മട്ടൻ കറി ഉണ്ടാക്കുന്ന തിരക്കിൽ രാഹുലും ലാലുവും

എന്നാൽ മോഷണശ്രമം നടന്നതിനെ തുടർന്ന് ബാങ്ക് അധികൃതർ പരാതി നൽകുകയും അതിന്റെ അടിസ്ഥാനത്തിൽ പൊലീസ് കേസെടുക്കുകയും ചെയ്തു. മോഷ്ടാവിനെ പിടികൂടാനുള്ള ശ്രമങ്ങൾ തുടരുകയാണെന്നും സിസിടിവി ദൃശ്യങ്ങൾ പരിശോധിച്ചുവരികയാണെന്നും പൊലീസ് അറിയിച്ചു.