എന്നാല്‍ ഒരു വെഡിങ് ഫോട്ടോഗ്രാഫറുടെ വിവാഹത്തിന്‍റെ ചിത്രീകരണം എങ്ങനെ ആയിരിക്കും എന്ന് ചിന്തിച്ചിട്ടുണ്ടോ ?. സംശയിക്കണ്ട മികച്ച ക്വാളിറ്റിയിലുള്ള പുതുമയാര്‍ന്ന ചിത്രങ്ങള്‍ ആ കല്യാണത്തില്‍ ക്ലിക്ക് ചെയ്തിരിക്കും എന്ന് ഉറപ്പ്. അയാന്‍ സെന്‍ എന്ന വെഡിങ് ഫോട്ടോഗ്രാറുടെ വിവാഹ ദിനത്തില്‍ കുറച്ചു സമയത്തേക്ക് വരന്‍ ഫോട്ടോഗ്രാഫറായ ദൃശ്യങ്ങളാണ് സോഷ്യല്‍ മീഡിയയില്‍ വൈറലാകുന്നത്.
വിവാഹ ശേഷം മണ്ഡപിലിരുന്ന് വധു പ്രിയയുടെ മനോഹരമായ ചിത്രങ്ങള്‍ പകര്‍ത്തുന്ന ഫോട്ടോഗ്രാഫര്‍ കല്യാണ ചെക്കനെ അഭിനന്ദിച്ചും ആശംസകള്‍ നേര്‍ന്നും നിരവധി പേര്‍ കമന്‍റ് ചെയ്തു. ‘നിങ്ങൾ ഒരു ഫോട്ടോഗ്രാഫറെ വിവാഹം കഴിക്കുമ്പോൾ’ എന്ന അടിക്കുറുപ്പോടെ കൂട്ടുകാരാണ് ഈ വൈറല്‍ വീഡിയോ പങ്കുവെച്ചത്.
വിവാഹത്തിനിടയിലും തന്‍റെ പ്രൊഫഷനെ ചേര്‍ത്തുപിടിക്കുന്ന വരന്‍റെ ഡെഡിക്കേഷന്‍ എന്ന് വരെ കമന്‍റുകള്‍ വന്നു. ഇന്‍സ്റ്റഗ്രാമില്‍ 3.3 മില്യണ്‍ വ്യൂസാണ് വീഡിയോയ്ക്ക് ലഭിച്ചത്.