എന്താണ് ലോക്ക്ഡൗൺ?
കോവിഡ് 19 എന്ന മഹാരോഗം പടർന്നുപിടിക്കുമ്പോൾ അതിനെ പ്രതിരോധിക്കുന്നതിനായാണ് ലോക്ക്ഡൗൺ നിയമം ഭരണകൂടങ്ങൾ പ്രയോഗിക്കുന്നത്. ഒരു കാരണവശാലും വീട് വിട്ടുപോകാൻ അനുവദിക്കാത്ത കർശന നിയമമാണിത്. 1897 ലെ നിയമപ്രകാരമാണ് രാജ്യത്ത് ലോക്ക്ഡൌൺ പ്രയോഗിക്കുന്നത്. സാമൂഹികവ്യാപനത്തിലൂടെ കൊറോണ വൈറസ് പടർന്നുപിടിക്കുന്നത് ഒഴിവാക്കാനാണ് ലോക്ക്ഡൗൺ പ്രയോഗിക്കുന്നത്. അവശ്യവസ്തുക്കളായ (പാൽ, വെള്ളം, പച്ചക്കറികൾ, മരുന്നുകൾ, മെഡിക്കൽ സേവനങ്ങൾ) എന്നിവ മാത്രമെ ലോക്ക്ഡൗൺ നടപ്പിലാകുന്ന സംസ്ഥാനങ്ങളിലേക്കോ ജില്ലകളിലേക്കോ അനുവദിക്കുകയുള്ളു. ഗതാഗതസംവിധാനങ്ങൾ പൂർണമായും നിയന്ത്രിച്ചുകൊണ്ട് ലോക്ക്ഡൗൺ നടപ്പാക്കുന്നത്.
advertisement
ലോക്ക്ഡൗൺ സമയത്ത് ആളുകൾ എന്തൊക്കെ ചെയ്യരുത്?
- ആളുകൾ കൂട്ടംകൂടരുത്
- കൂടിചേർന്ന് എന്തെങ്കിലും പ്രവർത്തനങ്ങൾ നടത്തരുത്
- യാത്രയും കുടുംബത്തൊടൊപ്പമുള്ള യാത്രയും നിരോധിച്ചിരിക്കുന്നു
- പൊതുസ്ഥലങ്ങളിൽ അഞ്ചിൽ കൂടുതൽ ആളുകൾ തിങ്ങിപ്പാർക്കരുത്
- അടുത്തിടെ വിദേശത്ത് നിന്ന് വന്നവർ ഒരുകാരണവശാലും പുറത്തു വരരുത്
- പൊതുഗതാഗത വാഹനങ്ങൾ (ബസുകൾ, കാബുകൾ, ഓട്ടോകൾ) എന്നിവ ഓടാൻ പാടില്ല
- ബിസിനസ് കോംപ്ലക്സുകൾ, ഷോപ്പിംഗ് മാളുകൾ, തീയറ്ററുകൾ, ജിമ്മുകൾ, ഫംഗ്ഷൻ ഹാളുകൾ എന്നിവ അടച്ചിരിക്കണം
- പ്രായമായവരെയും കൊച്ചുകുട്ടികളെയും ഒരു സാഹചര്യത്തിലും വീടിന് പുറത്തുവിടരുത്
ലോക്ക്ഡൗൺ സമയത്ത് ആളുകൾക്ക് എന്തൊക്കെ ചെയ്യാം
- അത്യാവശ്യമായ കാര്യങ്ങൾക്ക് പുറത്ത് ഇറങ്ങാം
- നിങ്ങൾക്ക് അവശ്യവസ്തുക്കൾ (മരുന്നുകൾ, പച്ചക്കറികൾ, അവശ്യവസ്തുക്കൾ) വാങ്ങാൻ പുറത്തുപോകാം
- ചില സംസ്ഥാനങ്ങളിൽ ലോക്ക്ഡൗൺ പ്രഖ്യാപിച്ചപ്പോൾ ഒരു പ്രദേശത്തെ ഒരു വീട്ടുകാർക്ക് മാത്രമാണ് പുറത്തിറങ്ങാൻ അനുമതി.
- അടിയന്തിര സേവനങ്ങളിൽ ഏർപ്പെട്ടിരിക്കുന്ന ജീവനക്കാർക്ക് പുറത്തുപോകാം. (പവർ, മെഡിസിൻ, മീഡിയ, ടെലികോം)
- അത്യവശ്യത്തിന് പുറത്ത് ഇറങ്ങുന്നവർ മറ്റുള്ളവരുമായി രണ്ട് മീറ്റർ അകലം പാലിക്കണം.
- പുറത്തുപോയവർ വീട്ടിൽ തിരിച്ചെത്തിയ ഉടൻ വസ്ത്രങ്ങൾ നന്നായി കഴുകി വെയിലത്ത് ഇടണം.
- പുറത്തുപോയ ശേഷം കൈ 20 സെക്കൻഡ് തുടർച്ചയായി സോപ്പ് ഉപയോഗിച്ച് കഴുകുക. കഴിയുമെങ്കിൽ കുളിക്കുക.
- പുറത്തു നിന്ന് കൊണ്ടുവന്ന സാധനങ്ങൾ ശുചിത്വമുള്ളതാണെന്ന് ഉറപ്പ് വരുത്തണം.
ഏതെങ്കിലും തരത്തിലുള്ള പൊതുഗതാഗതം ഉണ്ടാകുമോ?
സ്വകാര്യ ബസുകൾ, ടാക്സികൾ, ഓട്ടോറിക്ഷകൾ, ഇ-റിക്ഷകൾ എന്നിവയുൾപ്പെടെ പൊതുഗതാഗതത്തിന്റെ ഒരു പ്രവർത്തനവും അനുവദിക്കില്ല. അവശ്യ സേവനങ്ങളിൽ ഏർപ്പെട്ടിരിക്കുന്ന ഉദ്യോഗസ്ഥർക്കായി 25 ശതമാനത്തിൽ കൂടുതൽ ശേഷിയിൽ ഡിടിസി ബസുകൾ മാത്രമേ പ്രവർത്തിക്കൂ. അന്തർ സംസ്ഥാന ബസുകൾ, ട്രെയിനുകൾ, മെട്രോ എന്നിവ നിർത്തിവയ്ക്കും.
You may also like:COVID 19 Live Updates | കോവിഡിനെതിരെ ജനകീയ പ്രതിരോധം; ജനതാ കർഫ്യൂ ആരംഭിച്ചു [NEWS]കോവിഡ് 19: രാജസ്ഥാനു പിന്നാലെ ലോക്ക്ഡൗൺ പ്രഖ്യാപിച്ച് പഞ്ചാബ് [NEWS]സർക്കാര്‍ നിര്‍ദേശങ്ങൾ പാലിക്കപ്പെടുന്നില്ല; കര്‍ഫ്യു പ്രഖ്യാപിച്ച് കുവൈറ്റ് [NEWS]
ഓല / യൂബർ ബുക്ക് ചെയ്യാമോ?
ഇല്ല, മിക്ക സംസ്ഥാനങ്ങളും ടാക്സികൾ ഉൾപ്പെടെയുള്ള പൊതുഗതാഗതത്തിന് നിരോധനം ഏർപ്പെടുത്തിയിട്ടുണ്ട്. എന്നിരുന്നാലും, ചില സംസ്ഥാനങ്ങൾ ടാക്സികളെ ആശുപത്രികളിലേക്കും വിമാനത്താവളങ്ങളിലേക്കും പോകാൻ അനുവദിക്കും.
സ്വകാര്യ കാറുകളും ഇരുചക്ര വാഹനങ്ങളും അനുവദിക്കുമോ?
അതെ, എന്നാൽ അവശ്യ ആവശ്യങ്ങൾക്കായി യാത്ര ചെയ്യുന്നവർക്ക് മാത്രം. നിങ്ങളെ വിമാനത്താവളങ്ങളിൽ നിർത്തി ചോദ്യം ചെയ്തേക്കാം.
പ്രാദേശിക സ്റ്റോറുകൾ പ്രവർത്തിക്കുമോ?
എല്ലാ ഷോപ്പുകളും വാണിജ്യ സ്ഥാപനങ്ങളും ഫാക്ടറികളും വർക്ക് ഷോപ്പുകളും ഓഫീസുകളും ഗോഡൗണുകളും പ്രതിവാര ബസാറുകളും പ്രവർത്തനം നിർത്തണം.
വീട്ടുജോലിക്കാരനോ ഡ്രൈവറോ വരാൻ കഴിയുമോ?
അതെ, എന്നിരുന്നാലും അവശ്യ സേവനങ്ങളിൽ ഉറച്ചുനിൽക്കുന്നത് നല്ലതാണ്. വീടുകളിൽ നിന്ന് പുറത്തുപോയതിന് അവരെ ചോദ്യം ചെയ്തേക്കാം.
പെട്രോൾ വാങ്ങാൻ കഴിയുമോ?
അതെ, പെട്രോൾ പമ്പുകൾ, എൽപിജി, ഓയിൽ ഏജൻസികൾ എന്നിവയുടെ പ്രവർത്തനം തുടരും.
ഫ്ലൈറ്റ് ടിക്കറ്റുകൾ ബുക്ക് ചെയ്യനാകുമോ?
ഈ കാലയളവിൽ എല്ലാ അന്താരാഷ്ട്ര വിമാനങ്ങളും താൽക്കാലികമായി നിർത്തിവയ്ക്കും. എന്നിരുന്നാലും ആഭ്യന്തര വിമാന സർവീസുകൾ ഉണ്ടാകുമെന്നാണ് പ്രതീക്ഷിക്കുന്നത്.
!function(e,i,n,s){var t="InfogramEmbeds",d=e.getElementsByTagName("script")[0];if(window[t]&&window[t].initialized)window[t].process&&window[t].process();else if(!e.getElementById(n)){var o=e.createElement("script");o.async=1,o.id=n,o.src="https://e.infogram.com/js/dist/embed-loader-min.js",d.parentNode.insertBefore(o,d)}}(document,0,"infogram-async");
ആരാധനാലയങ്ങളിലെ കാര്യം എങ്ങനെ?
എല്ലാ ആരാധനാലയങ്ങളും അടച്ചിടും
എനിക്ക് ഒരു ആശുപത്രിയിൽ പോകാമോ?
അതെ, ആശുപത്രികളും മെഡിക്കൽ സ്റ്റോറുകളും തുറന്നിരിക്കും.
മരുന്നുകൾ വാങ്ങാൻ കഴിയുമോ?
കഴിയും. എല്ലാ മെഡിക്കൽ ഷോപ്പുകൾ തുറന്നിരിക്കും
ഓൺലൈനായി അവശ്യസാധനങ്ങൾ ഓർഡർ ചെയ്യാനാകുമോ?
അതെ, ഭക്ഷ്യവസ്തുക്കൾ, ഫാർമസ്യൂട്ടിക്കൽസ്, മെഡിക്കൽ ഉപകരണങ്ങൾ, പലചരക്ക് സാധനങ്ങൾ, പാൽ ഉൽപന്നങ്ങൾ, ജനറൽ പ്രൊവിഷൻ സ്റ്റോറുകൾ എന്നിവയുൾപ്പെടെ എല്ലാ അവശ്യവസ്തുക്കളുടെയും ഇ-കൊമേഴ്‌സ് തുറക്കും. റെസ്റ്റോറന്റുകളുടെ ഹോം ഡെലിവറി സേവനങ്ങളും ഉണ്ടാകും.
റിപ്പോർട്ടുചെയ്യാൻ മാധ്യമപ്രവർത്തകർക്ക് കഴിയുമോ?
അതെ, അച്ചടി, ഇലക്ട്രോണിക് മീഡിയ ജേണലിസ്റ്റുകൾക്ക് ജോലി ചെയ്യാനാകും
പണം പിൻവലിക്കാൻ കഴിയുമോ?
അതെ, ബാങ്കുകളുടെ (എടിഎമ്മുകൾ ഉൾപ്പെടെ) കാഷ്യർ സേവനങ്ങൾ ഉണ്ടാകും. എന്നിരുന്നാലും, വ്യക്തികൾക്ക് ഒരു സെൽഫ് ഡിക്ലറേഷൻ സമർപ്പിക്കേണ്ടിവരും.
ഇന്റർനെറ്റും കൊറിയറുകളും താൽക്കാലികമായി നിർത്തിവയ്‌ക്കുമോ?
ഇല്ല, ടെലികോം, ഇൻറർനെറ്റ്, തപാൽ സേവനങ്ങൾ തുടർന്നും പ്രവർത്തിക്കും.
കൂട്ടംകൂടാനാകുമോ?
അഞ്ചിൽ കൂടുതൽ ആളുകളുള്ള ഏതൊരു ആൾക്കൂട്ടവും കർശനമായി നിരോധിക്കുകയും നിയമപ്രകാരം ശിക്ഷാർഹവുമാണ്.
ഈ ഓർ‌ഡറിൽ നിന്നും ഒഴിവാക്കിയ സേവനങ്ങളും സ്ഥാപനങ്ങളും എന്തൊക്കെയാണ്?
ക്രമസമാധാനപാലനം, ഓഫീസുകൾ, പോലീസ്, ആരോഗ്യം, അഗ്നി, ജയിലുകൾ, ന്യായ വിലക്കടകൾ(മാവേലി സ്റ്റോർ, സിവിൽ സപ്ലൈസ്), വൈദ്യുതി, വെള്ളം, മുനിസിപ്പൽ സേവനങ്ങൾ, നിയമസഭയുടെ പ്രവർത്തനവുമായി ബന്ധപ്പെട്ട പ്രവർത്തനങ്ങൾ, ശമ്പളം, അക്കൗണ്ട് ഓഫീസ് എന്നിവ ഈ ഉത്തരവിൽ നിന്ന് ഒഴിവാക്കിയിരിക്കുന്നു.