വീടുകൾ കേന്ദ്രീകരിച്ച് പ്രത്യേക പൊലീസ് പരിശോധന ഉണ്ടാകും. ഇതോടൊപ്പം ഡ്രോൺ നിരീക്ഷണവും ഉണ്ടാകും. നേരത്തെ ഡബിൾ ലോക്ക് ഡൗൺ ഉണ്ടായിരുന്ന പ്രദേശങ്ങളായിരുന്നു ഇത്. ട്രിപ്പിൽ ലോക്ക് ഡൗൺ എന്ന സംവിധാനത്തിലേക്കാണ് ഇപ്പോൾ കടന്നിരിക്കുന്നത്. ഇന്നു മുതൽ ഇത് നിലവിൽ വന്നു.
അവശ്യസാധനങ്ങൾ പൊലീസ് തന്നെ എത്തിക്കും. ഇന്നലെ 18 പേര്‍ രോഗമുക്തി നേടി വീടുകളിലേക്ക് പോയിരുന്നു. ഇവരുടെ വീടുകൾ കേന്ദ്രീകരിച്ച് ശക്തമായ നിരീക്ഷണം ഉണ്ടാകും. ഐജി വിജയ് സാക്കറെ നേരിട്ടെത്തി നിയന്ത്രണങ്ങൾക്ക് നേതൃത്വം നൽകി.
advertisement
കളനാട് സ്വദേശിയിൽ നിന്ന് 20 ഓളം പേർക്ക് സമ്പർക്കത്തിലൂടെ രോഗം പകർന്നിരുന്നു. തളങ്കരയിലും നെല്ലിക്കുന്നിലും നിരവധി പേർക്ക് രോഗം സ്ഥിരീകരിച്ചിരുന്നു. ഇവരിൽ പലരും രോഗമുക്തി നേടി വീടുകളിലേക്ക് മടങ്ങിയിട്ടുണ്ട്. ഈ സാഹചര്യത്തിലാണ് നിയന്ത്രണം ശക്തമാക്കുന്നത്. സംസ്ഥാനത്ത് നിലവിൽ ചികിത്സിയിലുള്ള 238 രോഗികളിൽ 130 പേരും കാസർഗോഡാണ്.