TRENDING:
അഡീഷണല് ഡയറക്ടര് ജനറല് ഓഫ് പ്രോസിക്യൂഷനും അഡീഷണല് സ്റ്റേറ്റ് പബ്ലിക് പ്രോസിക്യൂട്ടറുമായി അഡ്വ. ഗ്രേഷ്യസ് കുര്യാക്കോസിനെ നിയമിക്കും.
സ്റ്റേറ്റ് അറ്റോര്ണിയായി അഡ്വ. എന്. മനോജ് കുമാറിനെ നിയമിക്കും.
ഹൈക്കോടതിയില് സീനിയര് ഗവണ്മെന്റ് പ്ലീഡറായി സേവനമനുഷ്ഠിക്കുന്ന പി. നാരായണനെ അധിക സാമ്പത്തിക ബാധ്യത കൂടാതെ അഡീഷണല് പബ്ലിക് പ്രോസിക്യൂട്ടറായി നിയമിക്കാന് തീരുമാനിച്ചു.
അഡീഷണല് അഡ്വക്കേറ്റ് ജനറല്മാരായി അഡ്വ. അശോക് എം. ചെറിയാന്, അഡ്വ. കെ.പി. ജയചന്ദ്രന് എന്നിവരെ നിയമിക്കും.
Also Read- Covid Vaccine | സംസ്ഥാനങ്ങളില് 1.33 കോടി ഡോസ് വാക്സിന് ഇപ്പോഴും ലഭ്യമാണ്; കേന്ദ്ര സര്ക്കാര്
advertisement
കാസര്കോഡ്, കിനാനൂര് കരിന്തളം സര്ക്കാര് കോളേജിന്റെ കെട്ടിടനിര്മ്മാണം കിഫ്ബി പദ്ധതിയില് ഉള്പ്പെടുത്തി ഭരണാനുമതി നല്കാന് തീരുമാനിച്ചു.
റീബില്ഡ് കേരള ഇനീഷ്യേറ്റീവിന് കീഴില് ഉള്പ്പെടുത്തി വിവിധ വകുപ്പുകള് സമര്പ്പിച്ച പദ്ധതികള് മന്ത്രിസഭ അംഗീകരിച്ചു. ചേര്ത്തല മുനിസിപ്പാലിറ്റിയില് സെപ്റ്റേജ് ട്രീറ്റ്മെന്റ് പ്ലാന്റ് സ്ഥാപിക്കുന്നതിനായുള്ള പദ്ധതി 5.25 കോടി രൂപ ചെലവില് നടപ്പാക്കുന്നതിന് തത്വത്തില് അംഗീകാരം നല്കി. കുട്ടനാട്ടിലെ വൈദ്യുത പ്രസരണ സംവിധാനങ്ങള് മെച്ചപ്പെടുത്തുന്നതിന് ഏറ്റെടുക്കാന് തീരുമാനിച്ച പദ്ധതിയുടെ ചെലവ് 42.60 കോടിരൂപയില് നിന്ന് 53.55 കോടിരൂപയായി പുതുക്കുന്നതിനും അംഗീകാരം നല്കി.
ഓവര്സീസ് കേരളൈറ്റ്സ് ഇന്വെസ്റ്റ്മെന്റ് ഹോള്ഡിംഗ് ലിമിറ്റഡ് (OKIHL) കമ്പനിയെ 100 ശതമാനം സര്ക്കാര് ഉടമസ്ഥതയിലുള്ള കമ്പനിയാക്കി മാറ്റുവാന് തീരുമാനിച്ചു.
സംസ്ഥാനത്തെ 27 താല്ക്കാലിക ജുഡീഷ്യല് ഫസ്റ്റ് ക്ലാസ്സ് മിജിസ്ട്രേറ്റ് കോടതികളെ സ്ഥിരം കോടതികളാക്കാന് തീരുമാനിച്ചു. ഓരോ കോടതിയ്ക്കും 10 തസ്തികകള് അനുവദിക്കും.
തിരുവനന്തപുരം മുതല് കാസര്കോഡ് വരെയുള്ള സെമി ഹൈസ്പീഡ് റെയില് പദ്ധതിയ്ക്ക് ആവശ്യമായ ഭൂമി ഏറ്റെടുക്കുന്നതിനുള്ള പ്രാരംഭ പ്രവര്ത്തനങ്ങള്ക്ക് അനുവാദം നല്കി. സംസ്ഥാന വിഹിതമായി 2100 കോടി രൂപ കിഫ്ബിയില് നിന്നും ഭൂമി ഏറ്റെടുക്കല് പ്രവര്ത്തനങ്ങള്ക്കായി വായ്പ എടുക്കുന്നതിന് ഭരണാനുമതി നല്കാന് തീരുമാനിച്ചു.