വോട്ടിങ് മെഷീനുകളിൽ കൃത്രിമം നടത്താൻ ലോക് ഡൗൺ പ്രഖ്യാപിക്കുമെന്ന് പ്രചരിപ്പിച്ച മലപ്പുറം സ്വദേശി അറസ്റ്റിൽ

കൊച്ചി സൈബര്‍ ഡോം നടത്തിയ സോഷ്യൽ മീഡിയ പട്രോളിങിലാണ് ലോക്സഭ തെരഞ്ഞെടുപ്പിനെ കുറിച്ചുള്ള വ്യാജ പ്രചരണം കണ്ടെത്തിയത്.  തെരഞ്ഞെടുപ്പ് മുന്നില്‍ കണ്ട് സോഷ്യല്‍ മീഡിയയില്‍ തെറ്റായ വാര്‍ത്തകള്‍ പോസ്റ്റ് ചെയ്യുന്നവരെയും പ്രചരിപ്പിക്കുന്നവരെയും കണ്ടെത്താനായി സൈബര്‍ ഡിവിഷന്റെ നേതൃത്വത്തില്‍ സൈബര്‍ പോലീസ് ആസ്ഥാനത്തും എല്ലാ റേഞ്ചുകളിലും എല്ലാ പോലീസ് ജില്ലകളിലും സാമൂഹിക മാധ്യമ നിരീക്ഷണസെല്ലുകള്‍ക്ക് രൂപം നല്‍കിയിട്ടുണ്ട്.