ലഹരി തലയ്ക്കു പിടിച്ച് ക്ഷേത്രത്തിന്റെ ശ്രീകോവിൽ കുത്തി തുറന്ന് അകത്തു കയറിയ യുവാവിനെ നാട്ടുകാർ പിടികൂടി

പത്തനാപുരം മാങ്കോട് സ്വദേശിയാണ് പിടിയിലായത്. തടയാൻ ശ്രമിച്ച സെക്യൂരിറ്റി ജീവനക്കാരനേയും ഇയാൾ ആക്രമിച്ചു. ലഹരി തലയ്ക്ക് പിടിച്ച നിലയിലായിരുന്നു നാട്ടുകാർ ഇയാളെ പൊലീസിൽ ഏൽപ്പിക്കുന്നത്.

ഇന്നലെ രാത്രി ഒന്നര മണിയോടെയായിരുന്നു സംഭവം. അറസ്റ്റിലായ യുവാവിനെതിരെ വിവിധ വകുപ്പുകൾ ചേർത്ത് പൊലീസ് കേസെടുത്തിട്ടുണ്ട്.

എംഡിഎംഎ ഉപയോഗിച്ചിട്ടുണ്ടെന്ന് അബോധാവസ്ഥയിൽ ഇയാൾ പൊലീസിനോട് സമ്മതിക്കുന്നുണ്ട്.