കമ്മിഷണർ ഓഫീസിൽ പരാതി നൽകാനെത്തി; മടങ്ങിയത് പോലീസുകാരന്റെ ബൈക്കുമെടുത്ത്: യുവാവ് പിടിയിൽ

സ്വന്തം പിതാവിനെതിരെ പരാതി നൽകാനാണ് അമൽ കമ്മിഷണർ ഓഫീസിൽ എത്തിയത്. എന്നാൽ പരാതി നൽകുന്നതിനിടെ പോലീസുകാരുമായി തർക്കമുണ്ടാവുകയും, തുടർന്ന് ദേഷ്യപ്പെട്ട് പുറത്തിറങ്ങിയ അമൽ ഓഫീസിന് മുന്നിൽ പാർക്ക് ചെയ്തിരുന്ന പോലീസുകാരന്റെ ബൈക്കുമായി കടന്നുകളയുകയുമായിരുന്നു.

മോഷ്ടിച്ച ബൈക്കിൽ നഗരത്തിലുടനീളം കറങ്ങിയ പ്രതിക്കായി പോലീസ് വ്യാപക തിരച്ചിൽ നടത്തിവരികയായിരുന്നു. ഒടുവിൽ രാത്രിയോടെ മാനവീയം വീഥിയിൽ വെച്ച് പ്രതിയെ പിടികൂടിയത്.