അതേസമയം, ട്രെയിനിൽ മുതിർന്ന പൗരന്മാർക്കുള്ള നിരക്കിളവ് പുനഃസ്ഥാപിക്കുന്നത് പരിഗണനയിലില്ല. റെയില്‍വേ സ്റ്റാന്‍ഡിങ് കമ്മിറ്റി മുതിർന്ന പൗരന്മാർക്കുള്ള നിരക്കിളവ് പുനഃസ്ഥാപിക്കണമെന്ന് ശുപാര്‍ശ ചെയ്തിട്ടുണ്ട്.
ട്രെയിൻ ടിക്കറ്റുകൾ എപ്പോൾ മുതൽ ബുക്ക് ചെയ്യാം?
ഒക്ടോബര്‍ 13 മുതലുള്ള യാത്രയുടെ ടിക്കറ്റിനാണ് ഇളവ് ലഭിക്കുക. ഒക്ടോബര്‍ 13-ന് തുടങ്ങുന്ന യാത്രയുടെ ടിക്കറ്റ് ഓഗസ്റ്റ് 14 മുതല്‍ റിസര്‍വ് ചെയ്യാൻ സാധിക്കും. നവംബര്‍ 17-ന് തുടങ്ങുന്ന മടക്കയാത്രയുടെ ടിക്കറ്റ് റിസര്‍വേഷന്‍ തുടങ്ങുന്ന സമയം അനുസരിച്ച് ബുക്ക് ചെയ്യാവുന്നതാണ്.
advertisement
അതേസമയം, ഉത്സവക്കാലത്തെ തിരക്കിനനുസരിച്ച് ടിക്കറ്റ് ചാര്‍ജ് കൂടുന്ന രാജധാനി, ശതാബ്ദി, തുരന്തോ പോലുള്ള വണ്ടികളില്‍ ഈ ആനുകൂല്യം ലഭിക്കില്ല. രണ്ടു ടിക്കറ്റും കണ്‍ഫേം ആണെങ്കിലേ ഇളവിന് അര്‍ഹതയുള്ളൂ. ഇതോടൊപ്പം മറ്റ് ഇളവുകള്‍ ലഭിക്കില്ലെന്ന് റെയിൽവേ അറിയിച്ചു.
നിരക്കിളവ് ലഭിക്കാനുള്ള മാനദണ്ഡങ്ങൾ
- യാത്രക്കാര്‍ ഒരേ ട്രെയിനിന് ടിക്കറ്റും മടക്കടിക്കറ്റുമെടുക്കുമ്പോഴേ ഇളവു ലഭിക്കുകയൂള്ളൂ.
- യാത്രക്കാർ കയറുകയും ഇറങ്ങുകയും ചെയ്യുന്ന സ്റ്റേഷനുകളിൽ മാറ്റമുണ്ടാകാന്‍ പാടില്ല.
- മടക്ക ടിക്കറ്റിന്റെ അടിസ്ഥാന നിരക്കിന്റെ 20 ശതമാനമായിരിക്കും ഇളവ്.
- ഇങ്ങനെയെടുക്കുന്ന ടിക്കറ്റില്‍ പിന്നീട് മാറ്റങ്ങള്‍ അനുവദിക്കില്ല.
- കൗണ്ടറില്‍നിന്നോ ഓണ്‍ലൈന്‍ ആയോ ടിക്കറ്റെടുക്കാം