തെരഞ്ഞെടുപ്പിന് മുന്നോടിയായി ഓരോ വോട്ടര്‍മാരും അറിഞ്ഞിരിക്കേണ്ട പ്രധാനപ്പെട്ട കാര്യങ്ങള്‍ പരിശോധിക്കാം
വോട്ട് രേഖപ്പെടുത്താന്‍ ആവശ്യമായ രേഖകള്‍: വോട്ടര്‍പട്ടികയില്‍ പേരുള്ള ഏതൊരാള്‍ക്കും വോട്ട് ചെയ്യാനുള്ള അനുമതി ഉണ്ട്.
1, വോട്ടര്‍ ഐഡി
2. ഡ്രൈവിങ് ലൈസന്‍സ്
3. പാസ്‌പോര്‍ട്ട്
4. ആധാര്‍കാര്‍ഡ്
5. പാന്‍ കാര്‍ഡ്
6. ദേശീയ ഗ്രാമീണ തൊഴിലുറപ്പ് പദ്ധതിയുടെ തൊഴിൽ കാര്‍ഡ്
7. എന്‍പിആറിന് കീഴില്‍ ആര്‍ജിഐ നല്‍കുന്ന സ്മാര്‍ട്ട് കാര്‍ഡ്
8. ഒരു പൊതുമേഖലാ ബാങ്കോ പോസ്റ്റ് ഓഫീസോ നല്‍കുന്ന ഫോട്ടോ പതിച്ച പാസ്ബുക്ക്
advertisement
9. കേന്ദ്ര/ സംസ്ഥാന സര്‍ക്കാരുകളിലെ ജീവനക്കാര്‍ക്ക് നല്‍കുന്ന ഫോട്ടോ പതിച്ച സര്‍വീസ് ഐഡന്റിറ്റി കാര്‍ഡ്
10. ഫോട്ടോ പതിച്ച പെന്‍ഷന്‍ കാർഡ്
11. തൊഴില്‍ മന്ത്രാലയത്തിന് കീഴിലെ സ്‌കീമില്‍ വിതരണം ചെയ്ത ആരോഗ്യ ഇന്‍ഷുറന്‍സ് സ്മാര്‍ട്ട് കാര്‍ഡ്
12. എംപിമാര്‍, എംഎല്‍എമാര്‍, എംഎല്‍സിമാര്‍ എന്നിവര്‍ക്ക് വിതരണം ചെയ്യുന്ന ഔദ്യോഗിക തിരിച്ചറിയല്‍ കാര്‍ഡ്
വോട്ടര്‍പട്ടികയില്‍ പേരുണ്ടോയെന്ന് എങ്ങനെ പരിശോധിക്കാം?
1. https: electoralsearch.eci.gov.in എന്ന വെബ്‌സൈറ്റ് തുറക്കുക
2. സംസ്ഥാനവും ഭാഷയും തെരഞ്ഞെടുക്കുക
3. പേര്, സര്‍നെയിം, ജനനത്തീയതി, ലിംഗം എന്നിവ രേഖപ്പെടുത്തുക
4. ജില്ല, നിയോജകമണ്ഡലം എന്നിവ തിരഞ്ഞെടുക്കുക
5. ശേഷം കോഡ് നല്‍കി സെര്‍ച്ച് ബട്ടണ്‍ അമര്‍ത്തുക
പോളിങ് ബൂത്ത് കണ്ടെത്തുന്നത് എങ്ങനെ?
1. electoralsearch.eci.gov.in എന്ന വെബ്‌സൈറ്റ് തിരഞ്ഞെടുക്കുക
2. മൂന്ന് വഴികളിലൂടെ പോളിങ് ബൂത്ത് കണ്ടെത്താന്‍ കഴിയും.
വിവരങ്ങള്‍ നൽകി സെര്‍ച്ച് ചെയ്യാം
1. സംസ്ഥാനവും ഭാഷയും തിരഞ്ഞെടുക്കുക
2. പേര്, സര്‍നെയിം, ജനനത്തീയതി, ലിംഗം എന്നിവ നല്‍കുക
3. ജില്ലയും നിയോജകമണ്ഡലവും ഏതെന്ന് തിരഞ്ഞെടുക്കുക. കോഡ് നല്‍കി സെര്‍ച്ച് ബട്ടണ്‍ അമര്‍ത്തുക
വോട്ടര്‍ ഐഡി കാര്‍ഡ് ഉപയോഗിച്ച് സെര്‍ച്ച് ചെയ്യുക
1. ഭാഷ തിരഞ്ഞെടുക്കുക
2. വോട്ടര്‍ ഐഡി കാര്‍ഡ് വിവരങ്ങള്‍ നല്‍കുക
3. സംസ്ഥാനം തിരഞ്ഞെടുക്കുക
4. കോഡ് നല്‍കി സെര്‍ച്ച് ബട്ടണ്‍ അമര്‍ത്തുക
മൊബൈല്‍ നമ്പര്‍ ഉപയോഗിച്ച് സെര്‍ച്ച് ചെയ്യുക
1. സംസ്ഥാനം തിരഞ്ഞെടുക്കുക
2. ഭാഷ തിരഞ്ഞെടുക്കുക
3. മാെബൈല്‍ നമ്പര്‍ നല്‍കുക
4. മൊബൈലില്‍ ലഭ്യമായ ഒടിപി നമ്പര്‍ നല്‍കുക
5. കോഡ് നല്‍കി സെര്‍ച്ച് ബട്ടണ്‍ അമര്‍ത്തുക