കാത്തിരിക്കാൻ അച്ഛനുണ്ടായില്ല; ധർമേന്ദ്ര ഏറ്റവും ഒടുവിൽ കണ്ടത് മകൻ സണ്ണി ഡിയോളിന്റെ ചിത്രം

തന്റെ പ്രിയപ്പെട്ട തിരക്കഥകളിൽ ഒന്നായതിനാൽ ധർമേന്ദ്രയെ ആ ചിത്രം കാണിക്കാൻ കഴിഞ്ഞതിൽ അതിയായ സന്തോഷമുണ്ടെന്ന് ആമിർ പറഞ്ഞു. 'ലാഹോർ 1947' എന്ന ചിത്രം ആമിർ ഖാൻ നിർമ്മിക്കുകയും രാജ്കുമാർ സന്തോഷി സംവിധാനം ചെയ്യുകയും ചെയ്യുന്നു. അസ്ഗർ വജാഹത്തിന്റെ പ്രശസ്തമായ നാടകമായ 'ജിസ് ലാഹോർ നയി ദേഖ്യ, ഓ ജാമായ് നി' അടിസ്ഥാനമാക്കിയാണ് ചിത്രത്തിന്റെ നിർമാണം.

56-ാമത് ഐഎഫ്എഫ്ഐയിൽ സംസാരിക്കവേ, മരണത്തിന് മുമ്പ് ധർമേന്ദ്രയോടൊപ്പം കുറച്ച് സമയം ചെലവഴിക്കാൻ കഴിഞ്ഞതിൽ താൻ ഭാഗ്യവാനാണെന്ന് ആമിർ ഖാൻ പറഞ്ഞു. “വാസ്തവത്തിൽ, സണ്ണിക്കൊപ്പം ഞങ്ങൾ നിർമ്മിച്ച ലാഹോർ 1947 എന്ന ചിത്രം അദ്ദേഹത്തെ കാണിക്കാനുള്ള ഭാഗ്യം എനിക്കുണ്ടായി. അതിനാൽ അദ്ദേഹം ആ സിനിമ കണ്ടു,” അദ്ദേഹം കൂട്ടിച്ചേർത്തു. “ചിത്രം ഇതുവരെയും പുറത്തിറങ്ങിയിട്ടില്ല. പക്ഷേ അദ്ദേഹത്തിന് സിനിമ കാണാൻ കഴിഞ്ഞതിൽ എനിക്ക് വളരെ സന്തോഷമുണ്ട്. ഇത് അദ്ദേഹത്തിന്റെ പ്രിയപ്പെട്ട തിരക്കഥകളിൽ ഒന്നായിരുന്നു.”

advertisement

ഇതേ അവസരത്തിൽത്തന്നെ നവംബർ 27-ന് നടന്ന ധർമേന്ദ്രയുടെ പ്രാർത്ഥനാ യോഗത്തിൽ പങ്കെടുക്കാൻ പറ്റാതെപോയതിനെക്കുറിച്ചും ആമിർ സംസാരിച്ചു. “ഞാൻ ബോംബെയിൽ ഇല്ല. പക്ഷേ അദ്ദേഹത്തിന്റെ പ്രാർത്ഥനാ യോഗം നടക്കുകയാണ്. നിർഭാഗ്യവശാൽ എനിക്കതിൽ പങ്കെടുക്കാൻ കഴിയാതെപോയി. കഴിഞ്ഞ ഒരു വർഷത്തിൽ, ഞാൻ അദ്ദേഹത്തെ ഏകദേശം 7-8 തവണ കണ്ടിട്ടുണ്ടാകണം. ഞാൻ അദ്ദേഹത്തോടൊപ്പം പോയി ഇരിക്കാറുണ്ടായിരുന്നു,” ആമിർ പറഞ്ഞു.

ധർമേന്ദ്രയെ കാണാൻ മകൻ ആസാദിനെ കൊണ്ടുപോയ സമയം അദ്ദേഹം വീണ്ടും ഓർത്തു. “ഒരു ദിവസം ഞാൻ എന്റെ മകൻ ആസാദിനെയും കൂടെ കൊണ്ടുപോയി. ആസാദ് അദ്ദേഹത്തിന്റെ ചിത്രങ്ങൾ കണ്ടിട്ടില്ലാത്തതിനാൽ ഒരാളെ കാണാമെന്ന് ഞാൻ പറഞ്ഞു. ആസാദ് എന്നോടൊപ്പം വന്നു. ഞങ്ങൾ അദ്ദേഹത്തോടൊപ്പം കുറച്ച് മണിക്കൂർ ചെലവഴിച്ചു, അത് ശരിക്കും അത്ഭുതകരമായിരുന്നു. നിങ്ങൾക്കറിയാമോ, ധരംജി വളരെ മികച്ച നടൻ മാത്രമല്ല, അദ്ദേഹം ഒരു നല്ല മനുഷ്യനുമായിരുന്നു," ആമിർ പറഞ്ഞു.

ലാഹോർ 1947

അസ്ഗർ വജാഹത്തിന്റെ പ്രശസ്ത നാടകമായ ജിസ് ലാഹോർ നയി ദേഖ്യ, ഓ ജാംയായി നി എന്നിവയെ അടിസ്ഥാനമാക്കിയുള്ള ഈ ചിത്രം വിഭജനകാലത്ത് നടക്കുന്നതാണ്. ലഖ്‌നൗവിൽ നിന്ന് ലാഹോറിലേക്ക് കുടിയേറുന്ന ഒരു മുസ്ലീം കുടുംബത്തെ ചുറ്റിപ്പറ്റിയാണ് കഥ. ഒരു ഹിന്ദു കുടുംബം സ്ഥലത്തിനിന്നും പോയതിനാൽ കുടിയേറുന്ന കുടുംബത്തിന് ഒരു ഹവേലി അനുവദിച്ചു. എന്നിരുന്നാലും, ഹിന്ദു കുടുംബം ഇപ്പോഴും വീട്ടിൽ തന്നെ താമസിക്കുന്നുണ്ടെന്നും പോകാൻ വിസമ്മതിക്കുന്നുണ്ടെന്നും മനസ്സിലാക്കുമ്പോൾ കാര്യങ്ങൾ നാടകീയമായ വഴിത്തിരിവിലേക്ക് മാറുന്നു. സണ്ണി ഡിയോൾ, പ്രീതി സിന്റ എന്നിവർക്കൊപ്പം, ഷബാന ആസ്മി, അലി ഫസൽ, കരൺ ഡിയോൾ എന്നിവരും പ്രധാന വേഷങ്ങളിൽ അഭിനയിക്കുന്നു.