"സോഷ്യൽ മീഡിയയിൽ ഒരു ആഘോഷം ഉണ്ടാക്കാൻ വേണ്ടിയല്ല ഞാൻ ഇത് പറയുന്നത്, മറിച്ച് അത് വെളിപ്പെടുത്താൻ ഇപ്പോഴാണ് ശരിയായ സമയമെന്ന് എനിക്ക് തോന്നുന്നു. ഞങ്ങൾ രണ്ടുപേരും ജീവിച്ചിരിപ്പുണ്ട്, ഞങ്ങൾ രണ്ടുപേരും സമാധാനത്തോടെ ജീവിക്കാൻ അർഹരാണ്, പക്ഷേ വ്യത്യസ്ത വഴികളിലൂടെ.
അതേ, രക്തം വെള്ളത്തേക്കാൾ കട്ടിയുള്ളതാണ്. അതുകൊണ്ടാണ് ഞാൻ മാറി നിന്നുകൊണ്ട് നിങ്ങൾ ആഗ്രഹിച്ച ഇടം നിങ്ങൾക്ക് നൽകിയത്. ഞാൻ സ്വതന്ത്രയാണ്, അദ്ദേഹവും സ്വതന്ത്രനാണ്, "എല്ലാവർക്കും സമാധാനം ആശംസിക്കുന്നു"! ഈ സാഹചര്യം എളുപ്പമല്ലെങ്കിലും അതിൽനിന്നും ഞാൻ ഇത് പറയേണ്ടിയിരിക്കുന്നു. ചിലർക്ക് സന്തോഷം തോന്നിയേക്കാം, അവരുടെ സന്തോഷം തുടരണമെന്ന് ഞാൻ ആത്മാർത്ഥമായി പ്രാർത്ഥിക്കുന്നു....
advertisement
ഞങ്ങൾ വളരെ അടുത്ത സുഹൃത്തുക്കളായിരുന്നു, പല തരത്തിൽ. ഇപ്പോഴും ഞങ്ങൾ അങ്ങനെ തന്നെ. കിച്ചുവും ഞാനും ഒരിക്കൽ ഒരുമിച്ചായിരുന്നു, ഇപ്പോൾ വേർപിരിഞ്ഞു. ജീവിതം തുടരുന്നു.
ഈ യാത്രയിൽ ഞങ്ങളോടൊപ്പം ഉണ്ടായിരുന്ന എല്ലാവർക്കും നന്ദി.
ഇത് മറച്ചുവെക്കാൻ ഞാൻ ആഗ്രഹിക്കുന്നില്ല, നമ്മുടെ ജീവിതത്തിൽ നമ്മൾ വേർപിരിഞ്ഞ് മുന്നോട്ട് പോകുമ്പോൾ എല്ലാവരും നമ്മുടെ വ്യക്തിപരമായ ഇടത്തെ ബഹുമാനിക്കണമെന്ന് ഞാൻ അഭ്യർത്ഥിക്കുന്നു.
റോഷ്ന ആൻ റോയ്"
റോഷ്ന ഒരു നർത്തകി കൂടിയാണ്, 'വർണ്യത്തിൽ ആശങ്ക' എന്ന ചിത്രത്തിലൂടെയാണ് അവർ സിനിമയിൽ അരങ്ങേറ്റം കുറിച്ചത്. 'ഒരു അഡാർ ലവ്' 'സുല്ല്', 'പാപം ചെയ്യാത്തവർ കല്ലെറിയട്ടെ' തുടങ്ങിയ ചിത്രങ്ങളിലും അവർ അഭിനയിച്ചിട്ടുണ്ട്. അതേസമയം, 'അങ്കമാലി ഡയറീസ്' എന്ന ചിത്രത്തിലൂടെയാണ് കിച്ചു തിരക്കഥാകൃത്ത് എന്ന നിലയിൽ ശ്രദ്ധേയനായത്. 'തണ്ണീർമത്തൻ ദിനങ്ങൾ' എന്ന ചിത്രത്തിലും അദ്ദേഹം അഭിനയിച്ചിട്ടുണ്ട്. 'അജഗജാന്തരം' എന്ന ചിത്രത്തിനും അദ്ദേഹം തിരക്കഥയൊരുക്കിയിട്ടുണ്ട്.
Summary: Malayalam film actors Roshna Ann Roy and Kichu Tellas announce separation