മകൾക്കുവേണ്ടി മലയാളത്തിലെ ഈ താരാട്ട് പാട്ട് പഠിച്ച് രൺബീർ

മകൾ റാഹയ്ക്കായി രൺബീർ മലയാളം താരാട്ട് പാട്ട് പഠിച്ചുവെന്ന് പറയുകയാണ് ആലിയ ഭട്ട്. ​ഗ്രേറ്റ് ഇന്ത്യൻ കപിൽ ഷോയിലായിരുന്നു ആലിയ ഇക്കാര്യം പറഞ്ഞത്. 'ഉണ്ണി വാവാവോ...പൊന്നുണ്ണി വാവാവോ...'എന്ന താരാട്ട് പാട്ടാണ് രൺബീർ പഠിച്ചതെന്നാണ് ആലിയ പറയുന്നത്. റാഹയെ നോക്കാൻ വരുന്ന ആയയാണ് ഈ പാട്ട് പാടിയത്. അവർ വീട്ടിൽ വന്നപ്പോൾ മുതൽ റാഹയ്ക്ക് ഈ പാട്ട് പാടി കൊടുക്കുമായിരുന്നു.

ഇപ്പോൽ റാഹ ഉറങ്ങാൻ സമയമാകുമ്പോൾ മാമാ വാവോ, പാവാ വാവോ എന്ന് പറയാറുണ്ട്. ഒടുവിൽ രൺബീർ ഈ താരാട്ട് പാട്ട് പഠിച്ചെന്നുമാണ് ആലിയ വെളിപ്പെടുത്തുന്നത്. 2022ലായിരുന്നു റാഹാ കപൂറിന്റെ ജനനം.

advertisement

1991ൽ സിബി മലയിൽ സംവിധാനം ചെയ്ത സാന്ത്വനം എന്ന ചിത്രത്തിനായി കെ എസ് ചിത്ര പാടിയ പാട്ടാണ് ഉണ്ണി വാവാവോ...