എ.ആര്‍ റഹ്മാന്‍ സംഗീതം നല്‍കിയ ചിത്രത്തിലെ ഗാനങ്ങളുടെ ഓഡിയോ ലോഞ്ച് കഴിഞ്ഞദിവസം ഈ അടുത്ത് നടന്നിരുന്നു. സിനിമയില്‍ യുഗഭാരതി എഴുതി എ.ആര്‍ റഹ്മാന്‍ ഈണമിട്ട് വടിവേലു ആലപിച്ച ‘രാസാക്കണ്ണ്’ എന്ന് തുടങ്ങുന്ന ഗാനം ഓഡിയോ ലോഞ്ച് വേദിയില്‍ ഇരുവരും ചേര്‍ന്ന് പാടിയിരുന്നു.
‘എന്റെ ഭാര്യ കഴിഞ്ഞാൽ ഏറ്റവും സുന്ദരിയായി ഞാൻ കണ്ടിട്ടുള്ള നടി കീർത്തി സുരേഷ്’; ബോണി കപൂര്‍
വടിവേലുവിന്‍റെ ഹൃദയംകവരുന്ന ശബ്ദത്തിലുള്ള തമിഴ് നാടന്‍പാട്ട് ശൈലിയുടെ ഗാനം ഏവരുടെയും മനസ് നിറക്കുകയും ചെയ്തു. വടിവേലുവിന്‍റെ പാട്ട് കേട്ട് കണ്ണുനിറഞ്ഞവരുടെ കൂട്ടത്തില്‍ സാക്ഷാല്‍ കമല്‍ഹാസനും ഉണ്ട്. വടിവേലുവിന്‍റെ ആലാപനം കേട്ട് വികാരഭരിതനാകുന്ന കമല്‍ഹാസന്‍റെ വീഡിയോ സോഷ്യല്‍ മീഡിയയില്‍ വൈറലാണ്.
advertisement
നേരത്തേ സംവിധായകൻ മാരി സെൽവരാജിനൊപ്പം ‘മാമന്നൻ’ സിനിമ കണ്ടിരുന്ന കമല്‍ഹാസന്‍ ഓഡിയോ ലോഞ്ച് വേദിയിൽവെച്ച് ചിത്രത്തെയും സംവിധായകനേയും പുകഴ്ത്തി സംസാരിക്കുകയും ചെയ്തു . കോടിക്കണക്കായ ജനങ്ങളുടെ ശബ്ദം ഈ ചിത്രത്തിലൂടെ പുറംലോകമറിയും എന്നായിരുന്നു ഉലകനായകന്റെ വാക്കുകൾ.
കീര്‍ത്തി സുരേഷ് നായികയാകുന്ന ചിത്രത്തില്‍ ഉദയ് നിധി സ്റ്റാലിനും ഫഹദ് ഫാസിലും വടിവേലുവിനൊപ്പം പ്രധാന വേഷങ്ങളിലെത്തുന്നുണ്ട്. നിലവില്‍ തമിഴ്നാട് മന്ത്രിസഭയിലെ അംഗമായ ഉദയ് നിധി സ്റ്റാലിന്‍ മാമന്നന് ശേഷം സിനിമയില്‍ നിന്ന് താല്‍ക്കാലികമായി ഇടവേള എടുക്കുന്നു എന്നാണ് വിവരം.