Swargam | നായികാ നായകന്മാരായി അനന്യ, അജു വർഗീസ്; 'സ്വർഗം' ആരംഭിച്ചു | Malayalam movie Swargam starring Ananya and Aju Varghese starts rolling

മാർ ജോസഫ് പാംപ്ലാനി സക്രിപ്റ്റ് ആശീർവദിച്ച് സംവിധായകൻ റെജീസ് ആന്റണിക്ക് കൈമാറി. മാർ ജോസഫ് പാംപ്ലാനിക്ക് പിന്നാലെ പാലാ എംഎൽഎ മാണി സി. കാപ്പൻ, കേബിൾ ടിവി അസോസിയേഷൻ പ്രസിഡന്റ് പ്രവീൺ മോഹൻ, പ്രൊഡ്യൂസേഴ്സ് ടീം, സംവിധായകർ, ഫാ. ആന്റണി വടക്കേക്കര എന്നിവർ ചേർന്ന് ദീപം തെളിയിച്ചു. പാലാ എംഎൽഎ മാണി സി കാപ്പനും മാർ ജോസഫ് പാംപ്ലാനിയും ചേർന്ന് ടൈറ്റിൽ ലോഞ്ച് നിർവഹിച്ചു.

സംഗീത സംവിധായകൻ മോഹൻ സിത്താരയും പങ്കെടുത്തു. പ്രൊഡ്യൂസർ ലിസി കെ. ഫെർണാണ്ടസ് ചടങ്ങിനെത്തിയവർക്ക് സ്വാഗതവും സംവിധായകൻ റെജീസ് ആന്റണി നന്ദിയും പറഞ്ഞു. മാണി സി. കാപ്പൻ, പ്രവീൺ മോഹൻ, ഫാ ആന്റണി വടക്കേക്കര, തിരക്കഥാകൃത്ത് എ.കെ. സന്തോഷ്, ആർട്ടിസ്റ്റ് രാജേഷ് പറവൂർ, പുടശനാട് കനകം, എഡിറ്റർ ‍‍ഡോൺ മാക്സ് തുടങ്ങിയ കലാ സാംസ്കാരിക രംഗത്തെ പ്രമുഖർ ആശംസകൾ നേർന്നു.