വിവാഹ ശേഷം പേളിയും ശ്രീനിഷും ഇപ്പൊ ഇങ്ങനെ; 'കട്ട' പോസ്റ്റുമായി ഇൻസ്റ്റാഗ്രാമിൽ

വിവാഹ ശേഷം പേളിക്ക് ബോളിവുഡ് ചിത്രത്തിൽ അവസരം ലഭിച്ചിരുന്നു. അഭിഷേക് ബച്ചനൊപ്പമാണ് ആദ്യ ചിത്രം.

അടുത്തിടെ പ്രണയ ജീവിതത്തിന്റെ 365 ദിവസങ്ങൾ പേളിയും ശ്രീനിഷും ചേർന്ന് ആഘോഷിച്ചിരുന്നു. മെയ് 5ന് ആയിരുന്നു ക്രിസ്തീയ രീതി പ്രകാരമുള്ള ഇവരുടെ വിവാഹം. കൊച്ചി ചൊവ്വര പള്ളിയിലായിരുന്നു ചടങ്ങ്. ശേഷം സിയാൽ കൺവെൻഷൻ സെന്ററിൽ വിവാഹ സൽക്കാര ചടങ്ങുകൾ നടന്നു. വിവാഹ സൽക്കാര ചടങ്ങുകളിൽ സിനിമാ മേഖലയിലെ പ്രമുഖർ പങ്കെടുത്തിരുന്നു. പിന്നെ മെയ് 8ന് ഹൈന്ദവാചാര പ്രകാരമുള്ള വിവാഹ ചടങ്ങുകളും ഉണ്ടായിരുന്നു. വിവാഹ ശേഷം ഇവരുടെ പേളിഷ് വെബ് സീരീസിന്റെ രണ്ടാം ഭാഗം ഇറങ്ങി.