മോന്തയ്ക്കൊന്നു കൊടുത്തിട്ട് കണ്ണാടി എടുത്ത് കാണിച്ചുകൊടുക്കെടാ, അപ്പൊ കാണും മാർക്ക്: ലൈൻമാൻ കുറുപ്പിന്റെ മാസ് ഡയലോഗ്

Also read: മാർച്ച് 26ന്റെ നൊമ്പരമായി സുകുമാരിയമ്മയും ഇന്നച്ചനും; ഇരുവരും ചേർന്ന് അനശ്വരമാക്കിയ ചിത്രങ്ങൾ

ആളെ മയത്തിൽ പറഞ്ഞ് സ്ഥലത്തു നിന്നും മാറ്റാൻ സേതു ശ്രമിക്കുന്നെങ്കിലും, കുറുപ്പ് പിന്മാറാൻ ഭാവമില്ലാതെ നിൽപ്പാണ്. സ്വിച്ചിൽ ഐ.എസ്.ഐ. മാർക്ക് എവിടെ എന്ന ഉദ്യോഗസ്ഥന്റെ ചോദ്യത്തിന് മുന്നിൽ, ‘മോന്തയ്ക്കൊന്നു കൊടുത്തിട്ട് കണ്ണാടി എടുത്ത് കാണിച്ചുകൊടുക്കെടാ, അപ്പൊ കാണും മാർക്ക്’ എന്ന ഡയലോഗ് പറയുമ്പോൾ ഇന്നസെന്റ് പോലും കരുതിക്കാണില്ല അത് പതിറ്റാണ്ടുകൾ സഞ്ചരിച്ച്, അക്കാലത്തു പിറന്നിട്ടുപോലും ഇല്ലാത്തവരും ഏറ്റുപറയുമെന്ന്. ട്രോൾ, മീം കാലങ്ങളിലെ സൂപ്പർഹിറ്റ് ഇന്നസെന്റ് ഡയലോഗുകളിൽ ഒന്നാണിത്.

advertisement

ഈ കഥാപാത്രം ഇന്നസെന്റിന്റെ മികച്ചതാണെന്ന് എഴുത്തുകാരൻ എൻ.എസ്. മാധവനും വിശ്വസിക്കുന്നു.

ഇതിലെ ഇന്നസെന്റ്, ജഗതി ശ്രീകുമാർ കോംബോയും അനശ്വര രംഗങ്ങളിൽ ഒന്നാണ്. അളിയന്മാരായ ഇവർ ബദ്ധവൈരികളാണെന്നതാണ് പ്രത്യേകത. ഒടുവിൽ വീടിന്റെ പരിസരത്ത് ആരോ ആഭിചാരക്രിയ നടത്തി എന്ന് വിശ്വസിച്ച് മുറ്റത്തു പൂജ നടത്തുന്ന ജഗതിയുടെ കോൺസ്റ്റബിൾ സുഗതൻ, അളിയൻ കുറിപ്പിന്റെ തല പൊട്ടിത്തെറിക്കും എന്ന് പ്രതീക്ഷിച്ചു നിൽക്കുന്ന നിമിഷത്തിൽ ഒരു ഡയലോഗ് പോലും പറയാതെ കട്ട എക്സ്പ്രെഷൻ ഇട്ടു നിൽക്കുന്ന ഇൻസെന്റാണ് ഇവിടുത്തെ താരം. മീമുകളിൽ ഈ മുഖം നേടിയെടുത്ത പ്രാധാന്യത്തെക്കുറിച്ച് പറയേണ്ടതില്ലല്ലോ.

Summary: Mass dialogue of Innocent in Mithunam movie has surpassed times