മോഷ്‌ടാവായ വിഷ്ണുവും രാഷ്ട്രീയക്കാരനായ ഷൈൻ ടോമും തമ്മിലെന്ത്? പുതിയ ചിത്രം പാലായിൽ

മന്ത്രി വി.എൻ. വാസവൻ ഭദ്രദീപം തെളിയിച്ചാണ് ചിത്രീകരണത്തിനു തുടക്കമിട്ടത്. നിർമ്മാതാവ് ബിജു വി. മത്തായി സ്വിച്ചോൺ കർമ്മവും റാഫി ഫസ്റ്റ് ക്ലാപ്പും നൽകി.

തൊഴിൽ രംഗത്ത് കൃത്യമായ അജണ്ടയുള്ള ഒരു മോഷ്ടാവ് ഒരു യുവ രാഷ്ട്രീയ ജീവിതത്തിൽ എത്തപ്പെടുന്നതോടെയുണ്ടാകുന്ന സംഭവങ്ങളുടെ അത്യന്തം രസകരമായ ചലച്ചിത്രാവിഷ്ക്കാരണമാണ് ഈ ചിത്രം. പൂർണ്ണമായും ഒരു കോമഡി ത്രില്ലർ എന്നു ചിത്രത്തെ വിശേഷിപ്പിക്കാം.

Also read: Citadel trailer | ആക്ഷൻ പാക്ക്ഡ് രംഗങ്ങളുമായി പ്രിയങ്ക ചോപ്രയുടെ ‘സിറ്റഡൽ’ പുതിയ ട്രെയ്‌ലർ

advertisement

ഇവിടെ മോഷ്ടാവിനെ യുവനിരയിലെ ശ്രദ്ധേയനായ നടൻ വിഷ്ണു ഉണ്ണികൃഷ്ണനും യുവ രാഷ്ട്രീയ നേതാവിനെ ഷൈൻ ടോം ചാക്കോയും അവതരിപ്പിക്കുന്നു. അജു വർഗീസാണ് മറ്റൊരു പ്രധാന കഥാപാത്രത്തെ അവതരിപ്പിക്കുന്നത്.

സ്നേഹാ ബാബു, പവിത്രാ ഷ്മൺ എന്നിവരും നിരവധി പുതുമുഖങ്ങളും ഈ ചിത്രത്തിൽ അണിനിരക്കുന്നു. റാഫിയുടേതാണ് തിരക്കഥ.

വിനായക് ശശികുമാറിന്റെ വരികൾക്ക് ശ്രീനാഥ് ശിവ ശങ്കരൻ ഈണം പകർന്നിരിക്കുന്നു. വിഷ്ണു നാരായണൻ ഛായാഗ്രഹണവും വി. സാജൻ എഡിറ്റിംഗും നിർവ്വഹിക്കുന്നു.

കലാസംവിധാനം – സുജിത് രാഘവ്, മേക്കപ്പ് – വൈശാഖ് കലാമണ്ഡലം, കോസ്റ്യൂം ഡിസൈൻ – ഇർഷാദ് ചെറുകുന്ന്, ചീഫ് അസ്റ്റോസ്സിയേറ്റ് ഡയറക്ടർ – റിയാസ് ബഷീർ, ക്രിയേറ്റീവ് ഡയറക്ടർ – രാജീവ് ഷെട്ടി, കോ-ഡയറക്ടർ – ഋഷി ഹരിദാസ്, പ്രൊഡക്ഷൻ മാനേജർ – ഷാജി കോഴിക്കോട്, പ്രൊഡക്ഷൻ എക്സിക്യൂട്ടീവ് – പ്രവീൺ എടവണ്ണപ്പാറ, പ്രൊഡക്ഷൻ കൺട്രോളർ – ഡിക്സൻ പൊടുത്താസ്. കൊച്ചി, പാലാ എന്നിവിടങ്ങളിലായി ചിത്രീകരണം പൂർത്തിയാകും. പി.ആർ.ഒ.- വാഴൂർ ജോസ്, നിയാസ് നൗഷാദ്, ഫോട്ടോ – മോഹൻ സുരഭി.

Summary: Vishnu Unnikrishnan Shine Tom Chacko movie starts rolling in Pala. The plot is themed around a thief and a politician