ട്രോളുകൾ ആഘോഷിക്കുന്ന പൊളി ശരത് ആരാണ്?

ഏറെ പ്രേക്ഷക ശ്രദ്ധ പിടിച്ചു പറ്റിയ സജിയും, ബോബിയും, ബോണിയും ഉൾപ്പെടുന്ന കുമ്പളങ്ങി നൈറ്റ്സിലെ ഒരു രംഗത്താണ് പൊളി ശരത് കടന്നു വരുന്നത്. എന്നാൽ പൊളി ശരത്തിന് ഒരു മുഖം ഇതിനിടയിൽ നിന്നും തപ്പിയെടുക്കാൻ ആവില്ല. ഇതിൽ സൗബിൻ, ഷെയ്ൻ, ശ്രീനാഥ് ഭാസി എന്നിവർ ഉൾപ്പെടുന്ന ബാർ രംഗത്തിലെ ഒരു ഡയലോഗിൽ മാത്രം കടന്നു വരുന്നയാളാണ് പൊളി ശരത്. ഒരു വിഷ്വലിലും ഇയാളെ കാണുന്നില്ല.

കുമ്പളങ്ങി നൈറ്റ്സ് ഇക്കഴിഞ്ഞ ആഴ്ച ടി.വി.യിൽ പ്രക്ഷേപണം ചെയ്ത ശേഷമാണ് പൊളി ശരത് ട്രോൾ താരമാവുന്നത്. എന്തിനും ഏതിനും വിളിക്കാവുന്ന, അല്ലെങ്കിൽ സകലകളെ വല്ലഭനായ വ്യക്തി എന്ന നിലയിലാണ് പൊളി ശരത് ഇവിടങ്ങളിൽ പ്രശസ്തനാവുന്നത്. എന്തായാലും പൊളി ശരത് വൻ ആരാധക വൃന്ദത്തെ നേടിയിട്ടുണ്ട്.

advertisement