ഇപ്പോൾ രാം ചരണിന്റെ RC15 എന്ന ചിത്രത്തിലെ ഒരു ഗാനം കൊറിയോഗ്രാഫി ചെയ്യുന്നത് പ്രഭുദേവയാണ്. അടുത്ത ഷെഡ്യൂളിൽ ചരണിലും കിയാരയിലും നൂറിലധികം നർത്തകർക്കൊപ്പം ഈ ഗാനം ചിത്രീകരിക്കും. RC15 ഷൂട്ടിംഗ് സെറ്റിൽ നർത്തകർക്കൊപ്പം പ്രഭുദേവ ഗാനരംഗം ഒരുക്കുന്നതിനിടെയാണ് രാംചരൺ സെറ്റിലെത്തുന്നത്. അതുകൊണ്ട് തന്നെ രാംചരണിനെ ഗംഭീരമായി സ്വീകരിക്കാൻ കൊറിയോഗ്രാഫർ പ്രേം രക്ഷിതിനൊപ്പം ചേർന്ന് നാട്ടു നാട്ടു ഗാനത്തിന് പ്രഭുദേവ ചുവടുവെക്കുകയായിരുന്നു.
രാംചരണിനെ മാലയിട്ട് അഭിവാദ്യം ചെയ്‌തതിനും കേക്ക് മുറിച്ചതിനും ശേഷമാണ് 100 നർത്തകർക്കൊപ്പം പ്രഭുദേവയും നാട്ടു നാട്ടു ചുവടുകൾ വെച്ച് ഗംഭീരമായ ആദരവ് അർപ്പിച്ചത്. ഇപ്പോൾ പ്രഭുദേവയുടെ നാട്ടു നാട്ടു വീഡിയോ സോഷ്യൽ മീഡിയയിൽ വൈറലാണ്.
advertisement
വീഡിയോ പങ്കിട്ടതിന് തൊട്ടുപിന്നാലെ, ക്ലിപ്പിൽ സ്നേഹം പകരാൻ നിരവധി ആരാധകർ കമന്‍റുകളുമായി എത്തി. “മധുരമായ സ്വാഗതം ❤️” എന്ന് ഒരാൾ എഴുതിയപ്പോൾ രാം ചരണിന്റെ ഭാര്യ ഉപാസനയും പ്രഭുദേവയ്ക്ക് നന്ദി അറിയിച്ച് കമന്‍റ് ചെയ്തു. സിനിമാപ്രവർത്തകർ ഉൾപ്പടെ നൂറുകണക്കിന് ആളുകളാണ് ഈ വീഡിയോയ്ക്ക് കമന്‍റ് ചെയ്തത്.