Happy Birthday Mammukka | കട്ടൻചായയും ബിരിയാണിയും നിറയുന്ന ഉച്ചനേരങ്ങൾ; മമ്മൂട്ടിക്ക് പിറന്നാൾ ആശംസയുമായി പൃഥ്വിരാജ്

മമ്മുക്കയ്‌ക്കൊപ്പമുള്ള ചിത്രം പോസ്റ്റ് ചെയ്തുകൊണ്ട് പൃഥ്വിരാജ് കുറിച്ച വാക്കുകൾ ചുവടെ:

"എന്റെ കയ്യിൽ ഇതിലും മികച്ച ഒരു ഫോട്ടോ ഇല്ല.. എന്തെന്നാൽ ബിരിയാണിയും കട്ടൻചായയും നിറയുന്ന ആ ഉച്ചനേരങ്ങളിൽ പലപ്പോഴും അക്കാര്യം മറന്നുപോകും. എന്നാൽ സ്വപ്നം കാണുന്ന ദശലക്ഷക്കണക്കിന് പേർക്കും അഭിനയമോഹം കൊണ്ടുനടക്കുന്നവർക്കും എന്ന പോലെ താങ്കൾ എനിക്ക് എത്രമാത്രം പ്രധാനമാണ് എന്ന കാര്യം ഒരുപക്ഷെ താങ്കൾ അറിയുന്നുണ്ടാവില്ല. മറ്റെന്തിനേക്കാളും, ചാലുവിനും സുർമി ചേച്ചിക്കും നന്ദി! ഞാൻ താങ്കളെ സ്നേഹിക്കുന്നു.. ലോകം താങ്കളെ സ്നേഹിക്കുന്നു! ജന്മദിനാശംസകൾ ഇക്ക!"

advertisement

പോക്കിരി രാജയ്ക്ക് ശേഷം മമ്മൂട്ടിയും പൃഥ്വിരാജും ഒന്നിച്ച സിനിമയായിരുന്നു പതിനെട്ടാം പടി. എന്നാൽ ഇതിൽ ഇരുവരുടെയും കോമ്പിനേഷൻ രംഗങ്ങൾ ഒന്നും ഇല്ലായിരുന്നു. ട്വന്റി-ട്വന്റിയും ഇതുപോലൊരു ചിത്രമായിരുന്നു. ഇതിൽ സൂപ്പർ താരങ്ങൾ അഞ്ചു പേരും പ്രധാന കഥാപാത്രങ്ങളെ അവതരിപ്പിച്ചപ്പോൾ പൃഥ്വിരാജ് ഉൾപ്പെടെയുള്ള യുവതാരങ്ങൾ ഡാൻസ് രംഗത്തിലെ അതിഥി വേഷം കൈകാര്യം ചെയ്തിരുന്നു.

പോക്കിരി രാജയുടെ രണ്ടാം ഭാഗമായ മധുരരാജ ഇറങ്ങിയപ്പോൾ പൃഥ്വിരാജ് ഉൾപ്പെട്ടിരുന്നില്ല. അത് സിനിമയ്ക്കുള്ളിൽ തന്നെ രസകരമായ ഡയലോഗിൽ പരാമർശിക്കുകയും ചെയ്തു. ആദ്യ സംവിധാന സംരംഭമായ ലൂസിഫറിന്റെ തിരക്കിലാണ് മധുര രാജയുടെ അനുജൻ എന്ന് ചിത്രത്തിൽ പരാമർശമുണ്ട്. അതേ സമയം തന്നെയാണ് പൃഥ്വിരാജ് മോഹൻലാൽ നായകനായ ആദ്യ ചിത്രം സംവിധാനം ചെയ്ത് പുറത്തിറക്കിയതും.

Summary: Prithviraj wishes Mammootty on his birthday: "I don’t have a better photo.. coz we always forget to take one on those biriyaani and black tea afternoons. And more than anything else, thank you for Chaalu and Surmi chechi! Happy birthday Ikka!," he wrote