ബ്രോ ഡാഡി സെറ്റിലെ പീഡന വിവരം പൃഥ്വിരാജ് അറിഞ്ഞിരുന്നെന്ന് പരാതിക്കാരി

ബ്രോ ഡാഡി സിനിമയിൽ അവസരം വാഗ്ദാനം ചെയ്താണ് മൻസുർ റഷീദ് യുവതിയെ പീഡിപ്പിച്ചത്. 2021ൽ ഹൈദരാബാദിൽ വച്ചായിരുന്നു സംഭവം നടന്നത്. ലൈംഗികമായി പീഡിപ്പിച്ച ശേഷം നഗ്ന ചിത്രങ്ങൾ പകർത്തുകയും ഇതുപയോഗിച്ച് തന്നെ ഭീഷണിപ്പെടുത്തിയെന്നുമായിരുന്നു യുവതിയുടെ ആരോപണം. യുവതിയുടെ പരാതിയിൽ കൊല്ലം ഓച്ചിറ സ്വദേശിയായ മൻസൂർ റഷീദിനെതിരെ ഹൈദരാബാദ് പൊലീസ് കേസെടുത്തിരുന്നു.

2021 ആഗസ്റ്റ് എട്ടിനാണ് പീഡനം നടന്നത്. ബ്രോഡാഡി സിനിമയിൽ വിവാഹ സീൻ ഷുട്ട്ചെയ്യാനായി ഹൈദരാബാദിലെ മലയാളി അസോസിയേഷൻ അറിയിച്ചതു പ്രകാരമാണ് യുവതി അഭിനയിക്കാനെത്തെയത്. ഷുട്ടിംഗിന്റെ ഭാഗമായി ഹോട്ടലിൽ താമസിക്കുമ്പോഴാണ് മൻസുർ റഷീദ് യുവതിയെ പീഡനത്തിനിരയാക്കിയത്. മുറിയിലെത്തിയ മൻസൂർ റഷീദ് കോള നൽകുകയു ഇത് കുടിച്ച് ബോധരഹിതയായ തന്നെ പീഡിപ്പിക്കുകയായിരുന്നു എന്നുമാണ് യുവതി ആരോപിച്ചത്. പിന്നീട് നഗ്ന ചിത്രം കാട്ടി പലപ്പോഴായി ആറര ലക്ഷത്തോളം രുപ തട്ടിയെടുത്തതായും യുവതി പറയുന്നു.

advertisement