ആൻ്റോ ജോസ് പെരേര, എബി ട്രീസാ പോൾ എന്നിവർ സംവിധാനം ചെയ്യുന്ന 'ലിറ്റിൽ ഹാർട്ട്സ്' എന്ന ചിത്രത്തിൻ്റെ ഒഫീഷ്യൽ ട്രെയ്‌ലറിലെ രംഗമാണിത്. ട്രെയ്‌ലറിലുടനീളം ഇത്തരം കൗതുകങ്ങളായ രംഗങ്ങൾ ചേർത്തുവച്ചു കൊണ്ടാണ് പുറത്തുവിട്ടിരിക്കുന്നത്. ചിത്രത്തിൻ്റെ മൊത്തത്തിലുള്ള മൂഡിൻ്റെ നേർക്കാഴ്ച്ച തന്നെയാണ് ഈ ട്രെയ്‌ലർ.
Also read: Little Hearts | പ്രണയാർദ്ര ഗാനവുമായി ഷെയ്ൻ നിഗം, മഹിമ നമ്പ്യാർ ചിത്രം 'ലിറ്റിൽ ഹാർട്ട്സ്'
കിഴക്കൻ മലയോര ഗ്രാമങ്ങളിലെ ഏലത്തോട്ടങ്ങളുടെ പശ്ചാത്തലത്തിലൂടെ വ്യത്യസ്ഥമായ മൂന്നു പ്രണയങ്ങളും, ബന്ധങ്ങളുടെ കെട്ടുറപ്പും, നർമ്മവും, പ്രതികാരവുമൊക്കെ കോർത്തിണക്കിയ കുടുംബകഥയാണ് തികഞ്ഞ എൻ്റെർടൈനറായി അവതരിപ്പിക്കുന്നത്.
advertisement
ഷെയ്ൻ നിഗം, മഹിമാ നമ്പ്യാർ, ബാബുരാജ് എന്നിവരാണ് കേന്ദ്രകഥാപാത്രങ്ങളെ അവതരിപ്പിക്കുന്നത്. ഇവർക്കു പുറമേ ഷൈൻ ടോം ചാക്കോ, രൺജി പണിക്കർ, ജാഫർ ഇടുക്കി, ഐമാ സെബാസ്റ്റ്യൻ, രമ്യാ സുവി, മാലാ പാർവതി എന്നിവരും ചിത്രത്തിലെ പ്രധാന കഥാപാത്രങ്ങളെ ആവതരിപ്പിക്കുന്നു.
തിരക്കഥ - രാജേഷ് പിന്നാടൻ, ഗാനങ്ങൾ - ഹരിനാരായണൻ, വിനായക് ശശികുമാർ, വിവേക് മുഴക്കുന്ന്; സംഗീതം - കൈലാസ്, ഛായാഗ്രഹണം- ലൂക്ക് ജോസ്, എഡിറ്റിംഗ് - നൗഫൽ അബ്ദുള്ള, കലാസംവിധാനം -അരുൺ ജോസ്, ക്രിയേറ്റീവ് ഡയറക്ടർ - ദിപിൽദേവ്, ക്രിയേറ്റീവ് ഹെഡ് - ഗോപികാ റാണി, പ്രൊഡക്ഷൻ ഹെഡ് -അനിതാ കപിൽ, നിർമ്മാണ നിർവ്വഹണം - ഡേവിസൺ സി.ജെ.
സാന്ദ്രാ തോമസ് പ്രൊഡക്ഷൻസിൻ്റെ ബാനറിൽ സാന്ദ്രാ തോമസ്, വിൽസൻ തോമസ് എന്നിവർ നിർമ്മിക്കുന്ന ചിത്രത്തിൻ്റെ നിർമ്മാണ പ്രവർത്തനങ്ങൾ പൂർത്തിയായി. ജൂൺ ഏഴിന് ചിത്രം പ്രദർശനത്തിനെത്തുന്നു. പി.ആർ.ഒ.- വാഴൂർ ജോസ്.
Summary: Trailer for Shane Nigam, Mahima Nambiar movie Little Hearts got released on YouTube. A production venture of Sandra Thomas and Wilson Thomas, Little Hearts is set for theatre debut on June 7, 2024