ഇംഗ്ലീഷ് ഭാഷയിൽ എഴുതുന്ന ഇന്ത്യൻ-ബംഗാളി സാഹിത്യകാരനാണ് 62കാരനായ അമിതാവ് ഘോഷ്. 2007ൽ പത്മശ്രീ പുരസ്കാരം ലഭിച്ചു. ഇന്ത്യയിലെ കറുപ്പ് കൃഷിയിൽ നിന്നു തുടങ്ങി ചൈനയുടെ അധഃപതനത്തിന് കാരണമായ കറുപ്പു യുദ്ധം വരെയുള്ള ചരിത്ര പശ്ചാത്തലത്തിൽ രചിക്കപ്പെട്ട സീ ഓഫ് പോപ്പീസ്, റിവർ ഓഫ് സ്മോക്, ഫ്ലഡ് ഓഫ് ഫയർ എന്നീ ഈ മൂന്നു നോവലുകൾ ഐബിസ് ത്രയം എന്ന പേരിൽ അറിയപ്പെടുന്നു. ടൈംസ് ഓഫ് ഇന്ത്യ ഗ്രൂപ്പിന്റെ ഉടമാവകാശമുള്ള സാഹു ജെയ്ൻ കുടുംബം സ്ഥാപിച്ച ജ്ഞാനപീഠം ട്രസ്റ്റ് ആണ് ഈ പുരസ്കാരം നൽകിവരുന്നത് . 2017 ല്‍ ഹിന്ദി എഴുത്തുകാരിയായായ കൃഷ്ണ സോബ‌്തിയ്ക്കായിരുന്നു ജ്ഞാനപീഠം.
advertisement
'നന്ദിയുണ്ട്. ഇത് പ്രധാനപ്പെട്ട ദിവസമാണ്. ഈ പട്ടികയിൽ ഇടംപിടിക്കുമെന്ന് ഒരിക്കലും കരുതിയതല്ല. അതും ഞാൻ ഏറെ ബഹുമാനിക്കുന്ന ചില എഴുത്തുകാരോടൊപ്പം ഈ പട്ടികയിൽ'- അമിതാവ് ഘോഷ് ട്വിറ്ററിൽ കുറിച്ചു. സാഹിത്യ അക്കാദമി പുരസ്കാര ജേതാവാണ് അദ്ദേഹം. സീ ഓഫ് പോപ്പീസ്, റിവർ ഓഫ് സ്മോക് എന്നീ പുസ്തകങ്ങൾ യഥാക്രമം 2008ലും 2012ലും ബുക്കർ പ്രസിന്റെ സാധ്യതാപട്ടികയിൽ ഇടംനേടിയിരുന്നു. രണ്ട് വർഷം മുൻപ് ടാറ്റ ലിറ്ററേച്ചർ ലൈഫ് ടൈം അച്ചീവ്മെന്റ് അവാർഡ് നേടിയിരുന്നു.