ബെംഗളൂരു ദുരന്തം; RCBയ്ക്കും കർണാടക ക്രിക്കറ്റ് അസോസിയേഷനുമെതിരെ കേസെടുത്തു

ബുധനാഴ്ച എം ചിന്നസ്വാമി സ്റ്റേഡിയത്തിൽ ആഘോഷ പരിപാടിക്ക് മുന്നോടിയായി രണ്ട് പ്രവേശന കവാടങ്ങളിലൂടെ ജനക്കൂട്ടം ഇരച്ചുകയറിയതിനെത്തുടർന്നുണ്ടായ തിക്കിലും തിരക്കിലും 11 പേർ മരിക്കുകയും 47 പേർക്ക് പരിക്കേൽക്കുകയും ചെയ്തിരുന്നു.ബെംഗളൂരുവിലെ കബ്ബൺ പാർക്ക് പോലീസ് മൂന്ന് സ്ഥാപനങ്ങൾക്കെതിരെയും ക്രിമിനൽ അനാസ്ഥയ്ക്ക് സ്വമേധയാ കേസെടുത്തത്. ബിഎൻഎസിന്റെ സെക്ഷൻ 105, 118, 120 എന്നീ വകുപ്പുകൾ പ്രകാരമാണ് കേസെടുത്തിരിക്കുന്നത്.

കര്‍ണാടക സ്റ്റേറ്റ് ക്രിക്കറ്റ് അസോസിയേഷൻ, റോയല്‍ ചാലഞ്ചേഴ്‌സ് ബെംഗളൂരു തുടങ്ങിയവര്‍ക്ക് നോട്ടീസയക്കുമെന്ന് ദുരന്തം അന്വേഷിക്കാന്‍ നിയോഗിച്ച ജില്ലാ മജിസ്‌ട്രേറ്റ് ജി.ജഗദീഷ അറിയിച്ചു.15 ദിവസത്തിനകം അന്വേഷിച്ച് റിപ്പോര്‍ട്ട് നല്‍കാനാണ് ജില്ലാ മജിസ്‌ട്രേറ്റിനോട് കര്‍ണാടക സര്‍ക്കാര്‍ ആവശ്യപ്പെട്ടിരിക്കുന്നത്.

advertisement