ബെം​ഗളൂരുവിൽ തൂങ്ങിമരിച്ച നിലയിൽ കണ്ടെത്തിയ ടെക്കിയുടെ ഭാര്യ 17-ാം നിലയിൽ നിന്ന് ചാടി ജീവനൊടുക്കി

ബെം​ഗളൂരുവിലെ ഐബിഎമ്മിലാണ് ഷാസിയ ജോലി ചെയ്തിരുന്നത്. ജോലി കഴിഞ്ഞെത്തിയ ഷാസിയ മുറിക്കുള്ളിലുണ്ടായിരുന്ന ഭാനുവിനെ പലതവണ വിളിച്ചെങ്കിലും പ്രതികരിച്ചിരുന്നില്ല. പരിഭ്രാന്തയായ യുവതി അയൽക്കാരെയും അപ്പാർട്ട്മെന്റിലെ സുരക്ഷാജീവനക്കാരെയും വിളിച്ച് മുറി ചവിട്ടിതുറക്കുകയായിരുന്നു. മുറിയിൽ തൂങ്ങിമരിച്ച നിലയിലായിരുന്നു ഭാനു. തുടർന്ന് മണിക്കൂറുകൾക്കുള്ളിൽ അതേ റെസിഡൻഷ്യൽ കോംപ്ലക്‌സിന്റെ 17-ാം നിലയിൽ നിന്ന് ചാടി യുവതിയും ജീവനൊടുക്കി.

ദമ്പതികളുടെ കുടുംബാംഗങ്ങൾ നൽകിയ പരാതിയുടെ അടിസ്ഥാനത്തിൽ പൊലീസ് അസ്വാഭാവിക മരണത്തിന് കേസെടുത്തിട്ടുണ്ട്. ഇരുവരുടെയും മൃതദേഹം പോസ്റ്റുമോർട്ടത്തിന് ആശുപത്രിയിലേക്ക് മാറ്റി. ആത്മഹത്യയിലേക്ക് നയിച്ച സാഹചര്യങ്ങളെ കുറിച്ച് അന്വേഷണ ഉദ്യോ​ഗസ്ഥർ പരിശോധിച്ചുവരികയാണ്.

advertisement