കേരളം, പശ്ചിമ ബംഗാൾ, ത്രിപുര സംസ്ഥാനങ്ങളിൽ നിരവധി ബിജെപി പ്രവർത്തകർക്ക് ജീവൻ ബലികഴിക്കേണ്ടി വന്നതായി മോദി പറഞ്ഞു. കേരളത്തിലടക്കം പ്രവർത്തകർ ജീവൻ പണയം വച്ചാണ് പ്രവർത്തിക്കുന്നത്. ഇതു മാധ്യമങ്ങൾ അടക്കം ബോധപൂർവം മറക്കുന്നുവെന്നും ബിജെപിയോട് തൊട്ടുകൂടായ്മ കാണിക്കുകയാണ് ചിലരെന്നും മോദി വാരണാസിയിൽ പ്രവർത്തകരെ അഭിസംബോധന ചെയ്ത് പറഞ്ഞു.
മോദിയുടെ വിജയമല്ല, മറിച്ച് പാര്‍ട്ടി പ്രവര്‍ത്തകരാണ് തെരഞ്ഞെടുപ്പിൽ വിജയിച്ചതെന്ന് നരേന്ദ്ര മോദി പറഞ്ഞു.വോട്ടെണ്ണുന്നതിന് മുമ്പ് തന്നെ വിജയം ഉറപ്പായിരുന്നു എന്ന് പ്രധാനമന്ത്രി നരേന്ദ്ര മോദി അവകാശപ്പെട്ടു. വിജയത്തിളക്കത്തിൽ സ്വന്തം മണ്ഡലത്തിൽ എത്തിയ പ്രധാനമന്ത്രിയെ ബിജെപി പ്രവർത്തകർ മോദി വിളികളോടെയാണ് സ്വീകരിച്ചത്.
advertisement
കാശി വിശ്വനാഥ ക്ഷേത്രത്തിൽ നരേന്ദ്രമോദിയും ബിജെപി അധ്യക്ഷൻ അമിത്ഷായും പൂജകൾ നടത്തി.
കഴിഞ്ഞ ദിവസം ഗുജറാത്തിൽ അമ്മയെ സന്ദർശിച്ച ശേഷമാണ് നരേന്ദ്ര മോഡി വാരാണസിയിൽ എത്തിയത്. വ്യാഴാഴ്ചയാണ് നരേന്ദ്ര മോദി പ്രധാനമന്ത്രിയായി രണ്ടാമൂഴത്തിൽ സത്യപ്രതിജ്ഞ ചെയ്യുന്നത്.