'അംഗബലം കുറഞ്ഞതിൽ വിഷമിക്കരുത്, ക്രിയാത്മകമായി പ്രവര്‍ത്തിക്കണം': പ്രതിപക്ഷത്തോട് പ്രധാനമന്ത്രി

17-ാം ലോക്‌സഭയുടെ ആദ്യ സമ്മേളനത്തിനു മുന്നോടിയായി മാധ്യമങ്ങളോട് സംസാരിക്കുകയായിരുന്നു പ്രധാനമന്ത്രി.

'പാര്‍ലമെന്ററി ജനാധിപത്യത്തില്‍ ക്രിയാത്മക പ്രതിപക്ഷത്തിന് സുപ്രധാന സ്ഥാനമാണുള്ളത്. അംഗബലം കുറഞ്ഞതിനെ കുറിച്ചോർത്ത്  പ്രതിപക്ഷം വിഷമിക്കുകയല്ല ചെയ്യേണ്ടത്. അവര്‍ പാര്‍ലമെന്റിലെ നടപടിക്രമങ്ങളിൽ സജീവമായി ഇടപെടുമെന്നാണ് എന്റെ പ്രതീക്ഷ.' - പ്രധാനമന്ത്രി പറഞ്ഞു.

Also Read ലോക്‌സഭയുടെ ആദ്യ സമ്മേളനത്തിന് തുടക്കം; ഇന്നും നാളെയും സത്യപ്രതിജ്ഞ

പാര്‍ലമെന്റ് അംഗങ്ങള്‍ രാജ്യത്തിന്റെ വികസനകാര്യങ്ങളെ കുറിച്ചാണ് ചിന്തിക്കേണ്ടതെന്നും രാജ്യത്തിന്റെ ഉത്തമ താല്‍പര്യങ്ങള്‍ക്കു വേണ്ടി നിലകൊള്ളണമെന്നും പ്രധാനമന്ത്രി ആവശ്യപ്പെട്ടു.

advertisement

17-ാം ലോക്‌സഭയില്‍ വനതാ പ്രതിനിധികളുടെ എണ്ണത്തില്‍ ഗണ്യമായ വര്‍ധനവുണ്ടായിട്ടുണ്ടെന്നും പ്രധാനമന്ത്രി ചൂണ്ടിക്കാട്ടി.