ഇന്‍ഫോസിസ് ക്യാമ്പസിലും പുലി; പുറത്തിറങ്ങരുതെന്ന് വനംവകുപ്പ്; ജീവനക്കാർക്ക് വർക്ക് ഫ്രം ഹോം

പുള്ളിപ്പുലികളുടെ ആവാസകേന്ദ്രമാണ് ഈ പ്രദേശം. പുലർച്ചെ രണ്ട് മണിയോടെയാണ് സിസിടിവി ദൃശ്യങ്ങളിൽ പുലിയെ കണ്ടതെന്ന് വനം വകുപ്പ് ഉദ്യോഗസ്ഥർ സ്ഥിരീകരിച്ചു. തുടർന്ന് 4 മണിയോടെ സ്ഥലത്ത് എത്തുകയും ഉടൻ തന്നെ പിടികൂടുന്നതിനുള്ള പ്രവർത്തനങ്ങൾ ആരംഭിക്കുകയും ചെയ്തു എന്ന് ഡെപ്യൂട്ടി കൺസർവേറ്റർ ഓഫ് ഫോറസ്റ്റ് (വൈൽഡ് ലൈഫ്) ഐബി പ്രഭു ഗൗഡ മണികൺട്രോളിനോട് പറഞ്ഞു.

മൈസൂരിലെ ഇൻഫോസിസ് ഗ്ലോബൽ എജ്യുക്കേഷൻ സെൻ്ററിലെ ഏകദേശം 4,000 ട്രെയിനികളോട് ബുധനാഴ്ച്ച വീടിനുള്ളിൽ തന്നെ തുടരാൻ ഇൻഫോസിസ് ആവശ്യപ്പെട്ടു. ഇനിയൊരു അറിയിപ്പ് ഉണ്ടാകുന്നതുവരെ കാമ്പസ് വിട്ട് പുറത്തുപോകരുതെന്നും ഹോസ്റ്റൽ മുറികളിൽ തുടരണമെന്നും ട്രെയിനികളോട് നിർദേശിച്ചിട്ടുണ്ട്. ഇൻഫോസിസ് പരിസരത്ത് ഇതാദ്യമായല്ല പുള്ളിപ്പുലിയെ കാണുന്നത് എന്നതും ശ്രദ്ദേയം.

advertisement