TRENDING:
വൈകാതെ പോലീസ് ഡോ. മുസമ്മലിനെ കേന്ദ്രീകരിച്ച് അന്വേഷണം ആരംഭിച്ചു. അല് ഫലാഹ് യൂണിവേഴ്സിറ്റിയിലെത്തി അയാളെ ചോദ്യം ചെയ്തു. ഫരിദാബാദിലെ ഒരു ഒളിത്താവളത്തില് ഐഇഡികള് തയ്യാറാക്കുന്നതിന് വലിയ അളവില് രാസവസ്തുക്കളും ഉപകരണങ്ങളും സൂക്ഷിച്ചിരുന്നതായി വെളിപ്പെടുത്തി. ഈ വിവരങ്ങലുടെ അടിസ്ഥാനത്തില് പോലീസ് നടത്തിയ പരിശോധനയില് 358 കിലോഗ്രാം സ്ഫോടക വസ്തുക്കലും ഡിറ്റണേറ്ററുകളും മറ്റ് ഉപകരണങ്ങളും പോലീസ് പിടിച്ചെടുത്തു.
ഇതും വായിക്കുക: Exclusive | ചെങ്കോട്ടയില് സ്ഫോടനം നടത്താനുള്ള ഗൂഢാലോചന; ഭീകരതയുടെയും ചതിയുടെയും കഥ
advertisement
ചോദ്യം ചെയ്യലില് ഡോ. മുസമ്മില് തന്റെ കാമുകിയും ലഖ്നൗ സ്വദേശിനിയും ഇതേ സര്വകലാശാലയില് അസിസ്റ്റന്റ് പ്രൊഫസറുമായി ജോലി ചെയ്യുന്ന ഡോ. ഷഹീന് ഷാഹിദിനെക്കുറിച്ചുള്ള വിവരങ്ങള് വെളിപ്പെടുത്തി. ഡോ. ഷഹീന്റെ കൈവശം ഒരു എകെ 47 ഉള്ളതായി മുസമ്മില് വെളിപ്പെടുത്തി. ഇവര്ക്കും ഭീകരാവാദ പ്രവര്ത്തനങ്ങളില് പങ്കുണ്ടെന്ന് മനസ്സിലായി.
ഇതും വായിക്കുക: Exclusive | ചെങ്കോട്ട സ്ഫോടനം; അന്വേഷണം പോസ്റ്ററില് നിന്ന് പിസ്റ്റളിലേക്ക്
ഹരിയാന പോലീസിന്റെ സഹായത്തോടെ യുപി പോലീസ് ഡോ. ഷഹീന് ഷാഹിദിനായി തിരച്ചില് ആരംഭിച്ചു. അപ്പോഴേക്കും ഡോ. മുസമ്മില് അറസ്റ്റിലായ വിവരം അവര് അറിഞ്ഞിരുന്നു. പരിഭ്രാന്തിയിലായ ഇവര് തന്റെ കാറില് ഒളിപ്പിച്ചിരുന്ന എകെ 47 അല് ഫലാഹ് സര്വകലാശാലയ്ക്ക് പിന്നിലെ മാലിന്യക്കൂമ്പാരത്തിലേക്ക് എറിഞ്ഞു. വൈകാതെ ഡോ. ഷഹീനെ പോലീസ് അറസ്റ്റ് ചെയ്തു. വലിച്ചെറിഞ്ഞ എകെ 47 കണ്ടെടുക്കുകയും ചെയ്തു.
ഡോ. മുസമ്മലിനെ ചോദ്യം ചെയ്തതില് നിന്ന് മേവാത്തിലെ സിംഗാര്-പുന്ഹാന ഗ്രാമത്തില് താമസിക്കുന്ന ഹാജി ഇഷ്തിയാഖ് എന്ന മറ്റൊരു ഭീകര ഗൂഢാലോചനക്കാരനെക്കുറിച്ചും വിവരം ലഭിച്ചു. ഇയാള്ക്ക് ഡോ. മുസമ്മലുമായി അടുത്ത സൗഹൃദമുണ്ടായിരുന്നു. ഇന്ത്യയില് നിരവധി ആക്രമണം നടത്താനുള്ള പദ്ധതി ഇരുവരും ചേര്ന്ന് ആവിഷ്കരിച്ചു.
ഫരീദാബാദില് ഒരു വീട് വാടകയ്ക്കെടുത്ത ഹാജി ഇഷ്തിയാക്കിനെ പോലീസ് അറസ്റ്റ് ചെയ്തു. ഹരിയാന പോലീസിന്റെ സഹായത്തോടെ ജമ്മു കശ്മീര് പോലീസ് ഈ വീട്ടില് പരിശോധന നടത്തി. പരിശോധനയില് അവര് അക്ഷരാര്ത്ഥത്തില് സ്തബ്ധരായി. 2563 കിലോഗ്രാം സ്ഫോടകവസ്തുക്കള് അടങ്ങിയ 88 ചാക്കുകളാണ് അവര് കണ്ടെത്തിയത്. അല് ഫലാഹ് സര്വകലാശാലയുടെ പിന്നിലായിരുന്നു ഇഷ്തിയാക്കിന്റെ ഒളിത്താവളമെന്നതും ശ്രദ്ധേയം. നൂറുകണക്കിന് ഭീകരാക്രമണങ്ങള് നടത്താനും ആയിരക്കണക്കിന് ആളുകളെ കൊലപ്പെടുത്താനും ശേഷിയുള്ള അമോണിയം നൈട്രേറ്റ്, പൊട്ടാസ്യം, ഇന്ധന എണ്ണ, ഡിറ്റണേറ്ററുകള്, ബാറ്ററികള്, ടൈമറുകള് എന്നിവയാണ് പിടികൂടിയത്.
(തുടരും)
Click here to add News18 as your preferred news source on Google.