കനത്ത മഴ: പൂനെയില്‍ മതിലിടിഞ്ഞ് വീണ് 15 മരണം; നിരവധി കാറുകള്‍ കുടുങ്ങിക്കിടക്കുന്നു

കൊണ്ഡവാര മേഖലയില്‍ ഇന്ന് പുലര്‍ച്ചെയായിരുന്നു അപകടം. ഒന്‍പത് പുരുഷന്മാരും രണ്ട് സ്ത്രീകളും നാല് കുട്ടികളുമാണ് മരിച്ചത്. മൂന്നുപേര്‍ക്ക് പരുക്കേറ്റിട്ടുമുണ്ട്. പാര്‍ക്കിങ് ഏരിയയിലുണ്ടായിരുന്ന വാഹനങ്ങളാണ് മതിലിനടിയില്‍പ്പെട്ടത്. വാഹനങ്ങള്‍ ഇപ്പോഴും ഇവിടെ കുടുങ്ങിക്കിടക്കുകയാണെന്നാണ് റിപ്പോര്‍ട്ട്.

Also Read: പ്രശ്നമായത് 'സിറിയയോ കാത്തലിക്കോ'? കാത്തലിക് സിറിയൻ ബാങ്ക് പുതിയ പേരിൽ

കഴിഞ്ഞ രണ്ടു ദിവസങ്ങളായി പുനെയില്‍ കനത്ത മഴ തുടരുകയാണ്. ദുരന്ത നിവാരണ സേനയും അഗ്നി രക്ഷാ സേനയും തിരച്ചില്‍ തുടരുകയാണ്. അവശിഷ്ടങ്ങള്‍ക്കിടയില്‍ കൂടുതല്‍പേര്‍ കുടുങ്ങിക്കിടക്കുന്നുണ്ടോ എന്നും സംശയമുണ്ട്.

advertisement