ഉത്തർപ്രദേശിലെ ഗാസിയാബാദ് കോടതിയിൽ പുലിയിറങ്ങി; 5 പേർക്ക് പരിക്ക്

വാർത്താ ഏജൻസിയായ എഎൻഐ ട്വിറ്ററിൽ പങ്കിട്ട വീഡിയോയിൽ കോടതി വളപ്പിനുള്ളിലെ ജനൽ ഗ്രില്ലിന് പിന്നിൽ പുള്ളിപ്പുലിയെ  കാണാനാകും.

പുള്ളിപ്പുലിയുടെ ആക്രമണത്തിൽ പരിക്കേറ്റ ഒരാളെ ചില അഭിഭാഷകർ ചുമന്നുകൊണ്ടുപോകുന്നത് കാണാം. രക്തം പുരണ്ട മുഖവുമായി മറ്റൊരാൾ ചുമരിനോട് ചേർന്ന് ഇരുന്നു വേദന കൊണ്ട് പുളയുന്നതും ക്ലിപ്പിൽ കാണാം. പുള്ളിപ്പുലി ജനങ്ങളിൽ പരിഭ്രാന്തി പരത്തിയതോടെ വൻ ജനക്കൂട്ടമാണ് കോടതി പരിസരത്ത് തടിച്ചുകൂടിയത്.

advertisement

ഗാസിയാബാദ് ഉൾപ്പെട്ട എംസിആർ മേഖലയിൽ ചെറിയ കാടുകളുമുണ്ട്. ഇവിടെ പുള്ളിപ്പുലിയുടെ സാന്നിദ്ധ്യമുണ്ട്. പുലിയെ ഇപ്പോൾ കോടതിക്കകത്തുള്ള ഇരുമ്പ് കൂട്ടിലേക്ക് ആക്കിയിരിക്കുകയാണ്. വനംവകുപ്പ് എത്തിയ ശേഷം മാത്രമാണ് പുലിയെ പിടികൂടാനാകുക. നേരത്തെ 2022 ൽ ഈ പ്രദേശത്തെ ഹൌസിംഗ് കോളനിയിൽ പുള്ളിപ്പുലി ഇറങ്ങിയിരുന്നു.