പഴയ സ്റ്റീം എൻജിൻ; ഇന്ത്യന്‍ റെയിൽവേയുടെ ‘ടി’ ട്രെയിൻ വീണ്ടും വരുന്നു

ദക്ഷിണ റെയിൽവേയുടെ പേരമ്പൂർ ഗാരിജ്, ആവഡി ഇഎംയു കാർ ഷെഡ്, തിരുച്ചിറപ്പള്ളി ഗോൾഡൻ റേക്ക് വർക്‌ഷോപ്പ് എന്നിവിടങ്ങളിലാണ് ട്രെയിൻ നിർമിച്ചത്. ഇന്ത്യയുടെ വിന്റേജ് ട്രെയിനുകളോട് സാമ്യമുള്ളതാണ് നിർമാണ രീതി. 1895ൽ നിർമിച്ച തദ്ദേശീയ ആവി എൻജിൻ എഫ്734ന്റെ രൂപത്തിലാണ് ട്രെയിന്റെ മുൻവശവും പിൻഭാഗവും ഒരുക്കിയിരിക്കുന്നത്.

Also read- ബാലസോർ ട്രെയിൻ അപകടം: എഞ്ചിനീയർ അടക്കം മൂന്ന് പേരെ CBI അറസ്റ്റ് ചെയ്തു

ദക്ഷിണ റെയിൽവേയുടെ പെരമ്പൂർ ക്യാരേജ് ആൻഡ് വാഗൺ വർക്ക്സ്, ആവഡി ഇഎംയു കാർ ഷെഡ്, ട്രിച്ചി ഗോൾഡൻ റോക്ക് വർക്ക്ഷോപ്പ് എന്നിവയുടെ സംയുക്ത ശ്രമമാണ് ടൂറിസ്റ്റ് ട്രെയിൻ.വിന്റേജ് സ്റ്റീം ലോക്കോമോട്ടീവുകളോട് സാമ്യമുള്ള തരത്തിൽ മെമുവിലെ ഡ്രൈവിംഗ് ട്രെയിലർ കാറുകൾ പരിഷ്‌ക്കരിച്ചിട്ടുണ്ടെന്നും എന്നാൽ ഇവ വൈദ്യുതി ഉപയോഗിച്ചായിരിക്കും പ്രവർത്തിപ്പിക്കുകയെന്നും സതേൺ റെയിൽവേയിലെ ഒരു ഉദ്യോഗസ്ഥൻ ന്യൂസ് 18-നോട് പറഞ്ഞു.

advertisement

എസി കോച്ചുകളാണ് ട്രെയിനിലുള്ളത്. ഇന്റഗ്രൽ കോച്ച് ഫാക്ടറിയിലായിരുന്നു രൂപകൽപന. മൂന്നു കോച്ചുകൾ ചെയർകാറുകളാണ്. ഒരെണ്ണം റസ്റ്ററന്റാണ്. മികച്ച യാത്രാനുഭവം ലഭിക്കുന്നതിനായി മനോഹരമായ ഇന്റീരിയറുകളാണ് ഒരുക്കിയിരിക്കുന്നതെന്നും റെയിൽവേ വ്യക്തമാക്കി. ട്രെയിനിലെ എക്സിക്യൂട്ടീവ് ചെയർകാറിൽ 48 പേർക്ക് ഇരിക്കാനുള്ള സൗകര്യമുണ്ട്. വന്ദേഭാരതിന്റെ ചാരിക്കിടക്കുന്ന സംവിധാനങ്ങളോടു സമാനമാണിത്. ഓരോ യാത്രക്കാരനും പ്രത്യേക ചാർജിങ് പോർട്ടുകളും ക്രമീകരിച്ചിട്ടുണ്ട്. പനോരമിക് വ്യൂവിൽ കാഴ്ച കണ്ട് യാത്ര ചെയ്യാനാകും.