"ജാംനഗർ ഞങ്ങളുടെ ഹൃദയത്തിൽ വളരെ ആഴമേറിയതും പ്രിയപ്പെട്ടതുമായ സ്ഥാനമാണ് വഹിക്കുന്നത്. കോകില മമ്മിക്ക് (കോകിലാബെൻ അംബാനി) ഇത് അവളുടെ ജന്മദേശമാണ്. അവരുടെ മൂല്യങ്ങളും വേരുകളും പ്രതിഫലിപ്പിക്കുന്ന സ്ഥലം. അവർ ഇന്ന് ഞങ്ങളോടൊപ്പമുണ്ട്. അമ്മയുടെ അനുഗ്രഹം കൊണ്ടാണ് ഇതെല്ലാം സാധ്യമായത്. അമ്മേ, നിങ്ങൾ ഞങ്ങൾക്ക് വേണ്ടി ചെയ്ത എല്ലാത്തിനും നന്ദി, ”നിത അംബാനി പറഞ്ഞു.
റിലയന്‍സ് സ്ഥാപകന്‍ ധിരുഭായ് അംബാനിയെയും ചടങ്ങിൽ നിത അനുസ്മരിച്ചു. ധിരുഭായ് അംബാനിയുടെ കര്‍മ്മഭൂമിയാണ് ഗുജറാത്തിലെ ജാംനഗര്‍ എന്ന് നിത പറഞ്ഞു. തങ്ങളുടെ മനസില്‍ ജാംനഗറിന് പ്രത്യേകസ്ഥാനമുണ്ടെന്നും നിത കൂട്ടിച്ചേര്‍ത്തു. വ്യാഴാഴ്ചയാണ് ജാംനഗര്‍ റിഫൈനറിയുടെ 25-ാം വാര്‍ഷികാഘോഷം സംഘടിപ്പിച്ചത്. ലോകത്തിലെ ഏറ്റവും വലിയ റിഫൈനറികളിലൊന്നായ ജാംനഗര്‍ റിഫൈനറിയുടെ ഇതുവരെയുള്ള യാത്രയെ അഭിസംബോധന ചെയ്യുന്നതിന്റെ ഭാഗമായാണ് പരിപാടി സംഘടിപ്പിച്ചത്.
advertisement