TRENDING:
സംഭവത്തില് രാജ്യ വ്യാപക പ്രതിഷേധത്തിനാണ് കര്ഷക സംഘടനകള് ആഹ്വാനം ചെയ്തിരിക്കുന്നത്. സംഭവത്തില് കേന്ദ്ര മന്ത്രി അജയ് മിശ്രയുടെ മകനെതിരെ പൊലീസ് കേസെടുത്തു. ലഖിംപുര് ഖേരിയില് നടന്ന സംഘര്ഷത്തില് നാലു കര്ഷകര് ഉള്പ്പടെ എട്ടു പേരാണ് മരിച്ചത്. ഇന്ന് പരിക്കേറ്റ് പ്രാദേശിക മാധ്യമപ്രവര്ത്തകന് കൂടി മരിച്ചതോടെ ആകെ മരണം ഒമ്പത് ആയി.
കര്ഷക സമരത്തിനെതിരായി അജയ് മിശ്രയുടെ പ്രസ്താവനയ്ക്കെതിരെ പ്രതിഷേധിക്കാന് ഒത്തുകൂടിയവര്ക്കെതിരെ മന്ത്രിയുടെ മകന്റെ വാഹനവ്യൂഹം ഇടിച്ചുകയറ്റുകയായിരുന്നു. ഉത്തര്പ്രദേശ് ഉപ മുഖ്യമന്ത്രി കേശവ് മൗര്യയുടെ പരിപാടിയില് പങ്കെടുത്ത് മടങ്ങുകയായിരുന്നു അജയ് മിശ്ര.
advertisement
ഇതിനിടയില് കര്ഷക കുടുംബങ്ങളെ സന്ദര്ശിക്കാനായി ലഖിംപൂര് ഖേരിയിലേക്കുള്ള യാത്രക്കിടെ എഐസിസി ജനറല് സെക്രട്ടറി പ്രിയങ്ക ഗാന്ധിയെ പൊലീസ് അറസ്റ്റ് ചെയ്തു. ലഖിംപൂര് ഖേരിയ്ക്ക് സമീപം ഹര്ഗാവില് വെച്ച് പ്രിയങ്കയെ അറസ്റ്റ് ചെയ്തത് .
സമാജ്വാദി പാര്ട്ടി അധ്യക്ഷന് അഖിലേഷ് യാദവിനും സന്ദര്ശനത്തിന് വിലക്ക് ഏര്പ്പെടുത്തിയിട്ടുണ്ട്. തുടര്ന്ന് വീടിന് മുന്നില് കുത്തിയിരുന്ന് പ്രതിഷേധിച്ച അഖിലേഷിനെ പൊലീസ് തടഞ്ഞു. അഖിലേഷിന്റെ വസതിയ്ക്ക് സമീപവും സംഘര്ഷാവസ്ഥ തുടരുകയാണ്.
ആശിശ് കുമാര് മിശ്രയെ ഉടന് അറസ്റ്റു ചെയ്യണമെന്ന് ആവശ്യപ്പെട്ട് മൃതദ്ദേഹങ്ങളുമായി കര്ഷകര് പ്രതിഷേധം തുടരുകയാണ്. മേഖലയിലാകെ നിരോധനാജ്ഞ പ്രഖ്യാപിച്ചു. പ്രദേശത്ത് വന് പൊലീസ് സന്നാഹമുണ്ട്.
Click here to add News18 as your preferred news source on Google.