കേരളം ഉൾപ്പടെ ആറ് സംസ്ഥാനങ്ങളിൽ NIA റെയ്ഡ്; തീവ്രവാദ ബന്ധമുള്ള 14 പേർ പിടിയിൽ

കർണാടകയിൽ നിന്നുള്ള ഒരു മദ്രസ വിദ്യാർത്ഥിയെ എൻഐഎ കസ്റ്റഡിയിലെടുത്തു. ഫറൂഖ് എന്ന വിദ്യാർത്ഥി ഒരു സോഷ്യൽ മീഡിയ ആപ്പ് വഴി പാകിസ്ഥാൻ രഹസ്യാന്വേഷണ ഏജൻസിയായ ഐഎസ്‌ഐയുടെ മൊഡ്യൂളുമായി ബന്ധപ്പെട്ടിരുന്നു. എട്ട് മണിക്കൂർ നീണ്ട ചോദ്യം ചെയ്യലിന് ശേഷമാണ് വിദ്യാർത്ഥിയെ വിട്ടയച്ചത്. ഫാറൂഖിനെ കസ്റ്റഡിയിലെടുത്ത വിവരം സീനിയർ പോലീസ് സൂപ്രണ്ട് വിപിൻ ടാഡ സ്ഥിരീകരിച്ചു. ഫാറൂഖ് പല ഭാഷകളിലും പ്രാവീണ്യമുള്ളയാളാണെന്നും പാകിസ്ഥാൻ രഹസ്യാന്വേഷണ വിഭാഗമായ ഐഎസ്‌ഐയുടെ ഒരു മൊഡ്യൂളുമായി സോഷ്യൽ മീഡിയ ആപ്പ് വഴി ബന്ധപ്പെട്ടിരുന്നതായും വൃത്തങ്ങൾ പറയുന്നു. വൈകുന്നേരം ഫാറൂഖിനെ ദാറുൽ ഉലൂം ദയൂബന്ദ് അധികൃതർക്ക് കൈമാറിയെന്ന് ദാറുൽ ഉലൂം ദേവ്ബന്ദ് മേധാവി അബ്ദുൾ കാസിം നൊമാനി പറഞ്ഞു.

advertisement

ജൂൺ 23 ന്, റോഹിങ്ക്യൻ വിദ്യാർത്ഥി മുജീബുള്ളയെ ദേവ്ബന്ദിൽ നിന്ന് അറസ്റ്റ് ചെയ്തു.

ഗുജറാത്തിൽ, എൻഐഎയുടെയും ഗുജറാത്ത് എടിഎസിന്റെയും സംയുക്ത സംഘം ബറൂച്ച്, സൂറത്ത്, നവസാരി, അഹമ്മദാബാദ് ജില്ലകളിൽ നടത്തിയ തിരച്ചിലിൽ നിരവധി രേഖകളും വസ്തുക്കളും പിടിച്ചെടുത്തു. മൂന്ന് പ്രതികളെ കസ്റ്റഡിയിലെടുത്തതായി വൃത്തങ്ങൾ അറിയിച്ചു. മൂന്ന് പേരെ ചോദ്യം ചെയ്തു വരികയാണെന്ന് ഗുജറാത്ത് എടിഎസ് അറിയിച്ചു. എന്നാൽ ഇപ്പോൾ കൂടുതൽ ഒന്നും വെളിപ്പെടുത്താനില്ല, എടിഎസ് പ്രസ്താവനയിൽ പറഞ്ഞു.

ഗുജറാത്തിന് പുറമെ മധ്യപ്രദേശ്, മഹാരാഷ്ട്ര, മറ്റ് ചില സംസ്ഥാനങ്ങളിലും തിരച്ചിൽ നടക്കുന്നുണ്ടെന്ന് എൻഐഎ വാർത്താക്കുറിപ്പിൽ അറിയിച്ചു. ഇന്ത്യൻ ശിക്ഷാ നിയമത്തിലെ (ഐപിസി) 153 എ, 153 ബി വകുപ്പുകളും നിയമവിരുദ്ധ പ്രവർത്തനങ്ങൾ തടയൽ നിയമത്തിലെ സെക്ഷൻ 18, 18 ബി, 38, 39, 40 വകുപ്പുകളും പ്രകാരം ജൂൺ 25 ന് ഏജൻസി സ്വമേധയാ രജിസ്റ്റർ ചെയ്ത കേസിലാണ് വിവിധ സംസ്ഥാനങ്ങളിൽ തിരച്ചിൽ നടത്തിയത്.

ഐഎസ് ഭീകരസംഘടനയുമായി ബന്ധമുണ്ടെന്നാരോപിച്ചാണ് ഇവരെ ചോദ്യം ചെയ്യുന്നത്. കഴിഞ്ഞ വർഷം നടത്തിയ ഭീകരാക്രമണ ശ്രമത്തെ തുടർന്നാണ് കേസുകളെന്ന് അന്വേഷണ ഏജൻസി അറിയിച്ചു. പിടിയിലായവ മൗലാന ജലീലിന്റെ വീട്ടിൽ നിന്ന് കുറ്റാന്വേഷണ രേഖകളും മൂന്ന് ബാഗുകളും പിടിച്ചെടുത്തു. അഹമ്മദാബാദ് സ്വദേശിയായ ഒരാളെ നവസാരിയിൽ നടത്തിയ റെയ്ഡിൽ പിടികൂടി. ബറൂച്ചിലെ അമോദിൽ ഒരു പിതാവിനെയും മകനെയും ചോദ്യം ചെയ്തു.

കർണാടകയിലെ തുംകുരുവിൽ എച്ച്എംഎസ് യുനാനി മെഡിക്കൽ കോളജിലെ വിദ്യാർഥിനിയെ പിടികൂടി. നാല് പേർ കൂടി കർണാടകയിൽ പിടിയിലായി. മഹാരാഷ്ട്രയിലെ ഹുപ്പാരി ജില്ലയിൽ രണ്ട് കോളേജ് വിദ്യാർത്ഥികളെ കസ്റ്റഡിയിലെടുത്തു.