'പുരുഷന്മാരോട് ആരും ഇത് ചോദിക്കില്ല': ബജറ്റ് ദിന സാരി ചർച്ചയിലെ ലിംഗവിവേചനം ചൂണ്ടിക്കാട്ടി നിർമലാ സീതാരാമൻ

പുരുഷന്മാരോട് കാണിക്കുന്ന അതേ സമീപനം തന്നോടും കാണിക്കണമെന്നും അത് മാത്രമാണ് യഥാർത്ഥ സമത്വമെന്നും നിർമലാസീതാരാമൻ പറഞ്ഞു. സ്ത്രീയാണെന്ന നിലയിലുള്ള ആനുകൂല്യങ്ങൾ ആഗ്രഹിക്കുന്നില്ല. ജോലിയിലൂടെയാണ് മികവ് തെളിയിക്കേണ്ടത്. നേതൃസ്ഥാനത്തുള്ള സ്ത്രീകൾ നേരിടുന്ന ഇത്തരം വെല്ലുവിളികൾ ഗൗരവകരമാണെന്നും വിദ്യാർത്ഥികളുമായുള്ള സംവാദത്തിനിടെ ധനമന്ത്രി ഓർമ്മിപ്പിച്ചു. തമിഴ്‌നാട്ടിൽ നിന്നുള്ള കൈത്തറി കാഞ്ചീപുരം സിൽക്ക് സാരിയാണ് ഇത്തവണ നിർമല സീതാരാമൻ ധരിച്ചിരുന്നത്.

തുടർച്ചയായി ഒമ്പതാം തവണ ബജറ്റ് അവതരിപ്പിച്ച് റെക്കോർഡ് ഇട്ട നിർമലാ സീതാരാമനെ പ്രധാനമന്ത്രി നരേന്ദ്ര മോദി ഉൾപ്പെടെയുള്ളവർ അഭിനന്ദിച്ചിരുന്നു. കോവിഡ് കാലത്തെ സാമ്പത്തിക പ്രതിസന്ധികളിലും ആഗോള വ്യാപാര തടസ്സങ്ങളിലും മികച്ച രീതിയിൽ നയരൂപീകരണം നടത്തി ശ്രദ്ധേയയായ വ്യക്തിയാണ് നിർമലാസീതാരാമൻ.

advertisement