പാർലമെന്റിൽ സുരക്ഷാ വീഴ്ച; മതിൽ ചാടിക്കടന്ന് അതിക്രമിച്ചു കയറിയ ആളെ സുരക്ഷാ ഉദ്യോഗസ്ഥർ പിടികൂടി

പിടികൂടിയ രാം കുമാർ ബിന്ദ് ഭദോഹി ജില്ല (യുപി) സ്വദേശിയാണ്. സൂറത്തിലെ ഒരു ഫാക്ടറിയിൽ ജോലി ചെയ്യുന്ന ഇയാൾ മാനസികമായി സ്ഥിരതയില്ലാത്തയാളാണെന്ന് തോന്നുന്നതായും കൂടുതൽ അന്വേഷണം നടക്കുകയാണെന്നും സിഐഎസ്എഫ് പ്രസ്താവനയിൽ പറഞ്ഞു.

കഴിഞ്ഞ വർഷം ഓഗസ്റ്റിലും സമാനമായ ഒരു സുരക്ഷാ വീഴ്ച നടന്നിരുന്നു. 20 വയസ്സുള്ള ഒരാൾ മതിൽ ചാടി പാർലമെന്റ് അനക്സ് വളപ്പിൽ പ്രവേശിച്ചു. സിഐഎസ്എഫ് ഉദ്യോഗസ്ഥർ ഇയാളെ പിടികൂടി. എന്നാൽ പരിശോധനയിൽ സംശയാസ്പദമായ ഒന്നും കണ്ടെത്തിയില്ല.