TRENDING:
ധനമന്ത്രി കെ എന് ബാലഗോപാല്, സ്പീക്കര് എ എന് ഷംസീര്, ചീഫ് സെക്രട്ടറി വി പി ജോയി തുടങ്ങിയവര് മുഖ്യമന്ത്രിയെ അനുഗമിക്കുന്നുണ്ട്. ശനിയാഴ്ച രാവിലെ ന്യൂയോര്ക്ക് ടൈംസ് സ്ക്വയറിലെ മാരിയറ്റ് മാര്ക് ക്വീയില് ലോകകേരള സഭ മേഖലാ സമ്മേളനം മുഖ്യമന്ത്രി ഉദ്ഘാടനം ചെയ്യും. സ്പീക്കര് ഷംസീര് അധ്യക്ഷനാകും. ധനമന്ത്രി ബാലഗോപാല് അടക്കം പങ്കെടുക്കും.
Also Read- കേരളം നമ്പർ വൺ; ഭക്ഷ്യ സുരക്ഷാ സൂചികയിൽ രാജ്യത്ത് ഒന്നാം സ്ഥാനത്ത്
advertisement
മാരിയറ്റ് മാര്ക് ക്വീയില് ബിസിനസ് ഇന്വെസ്റ്റ്മെന്റ് മീറ്റും മുഖ്യമന്ത്രി ഉദ്ഘാടനം ചെയ്യും. അമേരിക്കയിലെ മലയാളി നിക്ഷേപകര്, പ്രവാസി മലയാളികള് തുടങ്ങിയവരുമായി കൂടിക്കാഴ്ച നടത്തും. വൈകിട്ട് ന്യൂയോര്ക്ക് ടൈംസ് സ്ക്വയറില് നടക്കുന്ന പൊതുസമ്മേളനത്തില് മുഖ്യമന്ത്രിപിണറായി വിജയന് പ്രവാസി സമൂഹത്തെ അഭിസംബോധന ചെയ്ത് സംസാരിക്കും.
യു എന് ആസ്ഥാനത്തും മുഖ്യമന്ത്രി സന്ദര്ശനം നടത്തും. തുടര്ന്ന് ജൂണ് 14 ന് ന്യൂയോര്ക്കില് നിന്ന് ഹവാനയിലേക്ക് തിരിക്കും. ജൂണ് 15,16 തീയതികളില് ക്യൂബയും മുഖ്യമന്ത്രി സന്ദര്ശിക്കും. ഹവാനയിലെ വിവിധ പരിപാടികളില് മുഖ്യമന്ത്രി പങ്കെടുക്കും. ആരോഗ്യമന്ത്രി വീണാ ജോര്ജും ക്യൂബാ സന്ദര്ശന സംഘത്തിലുണ്ട്. വിദേശ സന്ദർശനം കഴിഞ്ഞ് ഈ മാസം 19 നാണ് മുഖ്യമന്ത്രി മടങ്ങിയെത്തുക.
അതേസമയം, വിദേശസന്ദര്ശനം ധൂര്ത്തെന്ന ആരോപണം ധനമന്ത്രി കെ എന് ബാലഗോപാല് തള്ളി. പ്രതിപക്ഷത്തിന്റെ വിമര്ശനം രാഷ്ട്രീയപ്രേരിതമാണെന്നും സന്ദര്ശനം സംസ്ഥാനത്തിന് ഗുണം ചെയ്യുമെന്നും കൂടുതല് നിക്ഷേപങ്ങള് വരുമെന്നും ധനമന്ത്രി പറഞ്ഞു. രാഷ്ട്രീയ വിരോധം സൂക്ഷിച്ചോട്ടെ, പക്ഷെ നാടിനു ഗുണമുള്ള കാര്യങ്ങളിൽ സഹകരിക്കണമെന്നും മന്ത്രി പറഞ്ഞു.
Click here to add News18 as your preferred news source on Google.