എൻഡിഎ പ്രകടന പത്രിക;ആയുഷ്മാൻ ഭാരത് എല്ലാ മലയാളികൾക്കും; 2,500 രൂപ റീചാർജ് 'ഭക്ഷ്യ ആരോഗ്യ സുരക്ഷാ കാർഡ്'

ഇതാണ് മാറ്റം, ഇതാണ് വികസിത കേരളം എന്ന് തലവാചകത്തോടെയാണ് എൻഡിഎ പ്രകടന പത്രിക പുറത്തിറക്കിയത്.

പ്രധാന പ്രഖ്യാപനങ്ങൾ

• കേരളത്തിൽ എയിംസ് യഥാര്‍ഥ്യമാക്കും
• ആയുഷ്മാൻ ഭാരത് പദ്ധതി എല്ലാ മലയാളികൾക്കും ലഭ്യമാക്കും.
• നിര്‍ധന കുടുംബങ്ങള്‍ക്ക് ഭക്ഷ്യസാധനങ്ങളും മരുന്നും വാങ്ങാൻ 2500 രൂപയുടെ പ്രതിമാസം 2,500 രൂപ റീചാർജ് ഉള്ള 'ഭക്ഷ്യ ആരോഗ്യ സുരക്ഷാ കാർഡ്'
• പാവപ്പെട്ട ഗൃഹനാഥകൾക്കും, വിധവകൾക്കും, 70 വയസ്സിന് മുകളിലുള്ള മുതിർന്ന പൗരന്മാർക്കും ക്ഷേമ പെൻഷൻ 3000 രൂപയാക്കും

advertisement

• പിന്തുണ ആവശ്യമുള്ള എല്ലാ വിളകൾക്കും താങ്ങുവില (MSP) ഉറപ്പാക്കും
• പ്ലാന്‍റേഷൻ ഭൂമികളിൽ ഇടവിള കൃഷി ചെയ്യാൻ അവസരമൊരുക്കൽ
• പുതിയ തൊഴിൽ നൽകുന്ന സംരംഭങ്ങൾക്ക്, ഓരോ നിയമനത്തിനും ഒരു ലക്ഷം രൂപ വരെ കുറഞ്ഞ പലിശയിൽ വായ്‌പ ലഭ്യമാക്കുന്ന ‘എംപ്ലായ്യ്‌മെന്റ് ലിങ്ക് ഡ് ഇൻെസൻ്റീവ് സ്കീം' നടപ്പിലാക്കും.
• വിഴിഞ്ഞം വികസിപ്പിക്കും. ഇതിനായി ഷിപ്പ് റിപ്പയർ ആൻഡ് മൈറൻ എഞ്ചിനീയറിംഗ് ക്ലസ്റ്റർ, നേമം യാർഡ് മുതൽ വിഴിഞ്ഞം തുറമുഖം വരെ എലിവറ്റഡ് ഡബിൾറെയിൽ പാത, തുറമുഖത്തിന് ചുറ്റും പത്യക വ്യാവസായിക ഇടനാഴി എന്നിവ സ്ഥാപിക്കും.
advertisement
• തിരുവനന്തപുരത്തും കോഴിക്കോടും മെട്രോ റെയിൽ പദ്ധതി
• തിരുവനന്തപുരം മുതൽ കണ്ണൂര്‍ വരെയുള്ള അതിവേഗ പാത യാഥാര്‍ഥ്യമാക്കും
• നിര്‍ധന കുടുംബങ്ങള്‍ക്ക് വര്‍ഷത്തിൽ രണ്ട് എൽപിജി സിലിണ്ടര്‍ സൗജന്യമായി നൽകും
• ഒരോ വീടിനും പ്രതിമാസം 20000 ലിറ്റര്‍ സൗജന്യ കുടിവെള്ളം
• 5 വർഷത്തിനുള്ളിൽ സർക്കാർ വിദ്യാലയങ്ങളിൽ ഐച്ഛികമായി ഇംഗ്ലീഷ് മീഡിയം വിദ്യാഭ്യാസം ലഭ്യമാക്കും.
• മുല്ലപ്പരിയാർ തമിഴ്‌നാടിന്റെ ജലാവകാശത്തെ ബാധിക്കാതെ കേരളത്തിന് സുരക്ഷയും തമിഴ്നാടിന് ജലലഭ്യതയും ഉറപ്പാക്കാൻ സർക്കാരുമായും തമിഴ് നാട് സർക്കാരുമായും സഹകരിച്ച് പ്രവർത്തിക്കും.
advertisement
• സംസ്ഥാനത്തെ ദേവസ്വം ബോര്‍ഡുകള്‍ ഭക്തരുടെ പങ്കാളിത്തത്തോടെ പുന:സംഘടിപ്പിക്കും
• ഭക്തർക്കായി അടിസ്ഥാന സൗകര്യങ്ങൾ വികസിപ്പിക്കുന്നതിന് ‘ശബരിമല അടിസ്ഥാന സൗകര്യ വികസന മിഷൻ’ ആരംഭിക്കും.
• ശബരിമലയിലെ സ്വര്‍ണക്കൊള്ള കേസ് സിബിഐ അന്വേഷിക്കും
• തൃശ്ശൂർ-ഗുരുവായൂർ പാത തിരൂരിലേക്ക് നീട്ടും
• കേരളത്തിലെ എല്ലാ കോർപറേഷനുകളിലും പ്രത്യേക വികസന പദ്ധതികൾആവിഷ്കരിക്കും.

a. തിരുവനന്തപുരം: ഐടി, ഇന്നോവേഷൻ തലസ്ഥാനം.

b.കൊച്ചി: ഇന്ത്യയുടെ കപ്പൽ നിർമ്മാണ തലസ്ഥാനം.

c. കോഴിക്കാട്: ഹെൽത്ത്കെയർ,മെഡിക്കൽ ഇന്നോവേഷൻ ഹബ്.

d. തൃശ്ശൂർ: സംസ്ഥാനത്തെ സാംസ്കാരിക വിനോദസഞ്ചാര തലസ്ഥാനം.

advertisement

e. കൊല്ലം: സമുദ്രോൽപ്പന്ന കയറ്റുമതി മുൻഗണന നൽകുന്ന അന്താരാഷ്ട 'ബ്ലൂ ഇക്കണാമി' ക്ലസ്റ്റർ.

f. കണ്ണൂർ: ഡിഫൻസ് ഇന്നോവേഷൻ ഹബ്.

ബിജെപി സംസ്ഥാന അധ്യക്ഷൻ രാജീവ് ചന്ദ്രശേഖര്‍, മേയര്‍ വിവി രാജേഷ്, ട്വന്‍റി 20 കോഓര്‍ഡിനേറ്റര്‍ ചീഫ് സാബു ജേക്കബ്, ബിഡിജെഎസ് സംസ്ഥാന അധ്യക്ഷൻ തുഷാര്‍ വെള്ളാപ്പള്ളി തുടങ്ങിയവരും പ്രകാശന ചടങ്ങിൽ പങ്കെടുത്തു.