ക്രിസ്തുവിന്റെ അന്ത്യ അത്താഴത്തെ വികലമായി ചിത്രീകരിച്ച വിവാദ ചിത്രം ബിനാലെയിൽ നിന്ന് നീക്കി

കലാസ്വാതന്ത്ര്യത്തിന്റെ മറവിൽ മതവികാരങ്ങൾ വ്രണപ്പെടുത്തിയെന്നും ബിനാലെ അധികൃതർ ഔദ്യോഗികമായി ഖേദം പ്രകടിപ്പിക്കണമെന്നും പരാതിക്കാരൻ ആവശ്യപ്പെട്ടിരുന്നു. ഇതിനിടെ ബിനാലെ വേദിയിൽ കോൺഗ്രസ് പ്രവർത്തകർ പ്രതിഷേധ പ്രകടനം നടത്തുകയും വിഷയം വലിയ ചർച്ചയാവുകയും ചെയ്തു. വിവിധ സഭകളുടെ പ്രതിഷേധം കൂടി കണക്കിലെടുത്താണ് ചിത്രം പിൻവലിക്കാൻ ഫൗണ്ടേഷൻ തീരുമാനിച്ചത്.

അതേസമയം, ബിനാലെയുടെ ഭാഗമായ 'ഇടം' പ്രദർശനം നടക്കുന്ന ഗാർഡൻ കൺവെൻഷൻ സെന്ററിലായിരുന്നു ‘മൃദുവാംഗിയുടെ ദുർമൃത്യു’ എന്ന പെയിന്റിങ് ഉണ്ടായിരുന്നത്. പെയിൻറിങ് ഒഴിവാക്കിയ ശേഷം വേദി പൊതുജനങ്ങൾക്കായി വീണ്ടും തുറന്നു.

advertisement