സ്ഥിരം ജീവനക്കാർക്കും കയറ്റിറക്ക് തൊഴിലാളികൾക്കും ദീപാവലിയുടെ ഭാഗമായി മധുര പലഹാരപ്പെട്ടി വിതരണം ചെയ്തിരുന്നു. എന്നാൽ, ട്രക്ക് ഡ്രൈവർമാർക്ക് ഇത് ലഭിച്ചില്ല. ഇതോടെ തങ്ങളെ അപമാനിച്ചുവെന്ന് ആരോപിച്ച് ഡ്രൈവർമാർ രാവിലെ 6 മണി മുതലുള്ള ഷിഫ്റ്റിൽ പണിമുടക്കുകയായിരുന്നു.
രാവിലെ 9 മണി കഴിഞ്ഞിട്ടും പ്രശ്‌നത്തിന് പരിഹാരമാകാതെ വന്നതോടെ കയറ്റിറക്ക് തൊഴിലാളികൾ തിരിച്ചുപോവുകയും ചെയ്തു. ഇതോടെ 6 ജില്ലകളിലേക്കുള്ള സിലിണ്ടർ നീക്കം ഏറെനേരം പൂർണ്ണമായി നിലച്ചു. ഉച്ചയോടെയാണ് പ്രശ്‌നം പരിഹരിച്ചത്. ഞായറാഴ്ചയും തിങ്കളാഴ്ചയും പൊതുഅവധിയായിരുന്നതിനാൽ സിലിണ്ടർ നീക്കം നടന്നിരുന്നില്ല. ഇതിനു പിന്നാലെ ഇന്നലെ പണിമുടക്കുകൂടി ഉണ്ടായതോടെ പല ജില്ലകളിലും പാചകവാതക ക്ഷാമം രൂക്ഷമായി. സംഭവത്തിൽ പ്രതികരിക്കാൻ ബിപിസിഎൽ അധികൃതർ തയ്യാറായില്ല.
advertisement
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Kochi [Cochin],Ernakulam,Kerala
First Published :
October 22, 2025 9:45 AM IST