'കൊച്ചി-ലണ്ടൻ വിമാനസർവീസ് നിർത്തരുത്': കെ വി തോമസിന്റെ ആവശ്യത്തിന് പിന്തുണയുമായി ന്യൂകാസിൽ സിറ്റി കൗൺസിൽ കാബിനറ്റ് അംഗം

യു കെയിൽ താമസിക്കുന്ന മലയാളികൾ വിമാനസർവീസ് തുടരണമെന്ന് ആവശ്യപ്പെട്ടതായി ഡോ. ജൂണ സത്യൻ ഇ-മെയിൽ സന്ദേശത്തിൽ അറിയിച്ചു. 2025 മാർച്ച് 30ന് വിമാന സർവീസ് അവസാനിപ്പിക്കാനാണ് എയർ ഇന്ത്യയുടെ തീരുമാനം.

യുകെയിലെ മലയാളി സമൂഹത്തിൽ നിന്ന് വലിയ ആശങ്കയാണ് ഈ വിഷയത്തിൽ ഉയരുന്നതെന്നും ജൂണ സത്യൻ പറഞ്ഞു. യുകെയിൽ താമസമാക്കിയ കുടുംബങ്ങൾ, വിദ്യാർത്ഥികൾ, ബിസിനസുകാർ തുടങ്ങിയവർക്കെല്ലാം ഈ വിമാന സർവീസ് വളരെയേറെ പ്രധാനപ്പെട്ടതാണ്. ഈ സർവീസ് നിർത്തലാക്കുന്നതോടെ യാത്രാസമയം കൂടും. അധിക ചെലവിനും കാരണമാകുമെന്നും ജൂണ സത്യൻ ചൂണ്ടിക്കാട്ടി. മറ്റു വിമാന കമ്പനികളുമായി ചർച്ച നടത്തുന്നതിന് സർക്കാരിൽ സമ്മർദം ചെലുത്തണമെന്നും വിമാന സർവീസ് തുടരുന്നതിന് ആവശ്യമായ പ്രവർത്തനങ്ങൾക്ക് യുകെ മലയാളി സമൂഹത്തിന്റെ എല്ലാവിധ പിന്തുണയും അറിയിക്കുന്നതായും ജൂണ സത്യൻ പറഞ്ഞു.

advertisement