കരുവന്നൂര്‍ ബാങ്ക് കേസില്‍ കെ.രാധാകൃഷ്ണന്‍ എം.പിയെ ചോദ്യം ചെയ്യാൻ ഇഡി സമൻസ്

തട്ടിപ്പ് നടന്ന കാലയളവിൽ കെ രാധാകൃഷ്ണനായിരുന്നു സിപിഎം തൃശ്ശൂര്‍ ജില്ലാ സെക്രട്ടറി. കരുവന്നൂര്‍ ബാങ്കുമായുള്ള സി.പി.എം. ബന്ധം, സി.പി.എം.പാര്‍ട്ടി അക്കൗണ്ടുമായി ബന്ധപ്പെട്ട പണമിടപാടുകള്‍ തുടങ്ങിയ കാര്യങ്ങളില്‍ വ്യക്തത വരുത്തുന്നതിനാണ് ചോദ്യം ചെയ്യൽ. ആ കാലഘട്ടത്തിലെ കണക്കുകള്‍ സംബന്ധിച്ച വിവരങ്ങളാണ് ഇ.ഡി. അന്വേഷിക്കുന്നത്.

ഇതുമായി ബന്ധപ്പെട്ട് നിലവിലെ ജില്ലാ സെക്രട്ടറി കെ വി അബ്‌ദുൾഖാദറിനേയും ഇ.ഡി മുന്‍പ് ചോദ്യം ചെയ്തിരുന്നു. കരുവന്നൂര്‍ കേസന്വേഷണത്തിന്റെ അവസാന ഘട്ടത്തിലാണ് ഇ.ഡി.