'പാർക്കിംഗ് MLA ബോർഡ് ഉള്ളവർക്ക്; 'നിയമസഭാംഗം' പാർക്ക് ചെയ്യാൻ പാടില്ല; നിയമസഭയിലെ വിചിത്ര വാദത്തിൻ്റെ കഥയുമായി മുൻമന്ത്രി

2018 മുതൽ ഉപയോഗിക്കുന്ന കാറിലാണ് അദ്ദേഹം നിയമസഭയിലെത്തിയത്. ഇതുവരെ 2¼ ലക്ഷം കി മി ഓടിക്കഴിഞ്ഞു. സഭയുടെ പാർക്കിംഗ് ഏരിയയിൽ വാഹനം പാർക്ക് ചെയ്യാൻ ശ്രമിക്കുമ്പോൾ, തന്നെ അത്ര പരിചയമില്ലാത്ത ഒരു വാച്ച് ആൻഡ് വാർഡ് ഉദ്യോഗസ്ഥൻ വിനയത്തോടെ തടയുകയായിരുന്നു. "ഇവിടെ എം.എൽ.എമാരുടെ വാഹനങ്ങൾക്ക് മാത്രമേ പാർക്കിംഗ് അനുവദിക്കൂ" എന്നായിരുന്നു ഉദ്യോഗസ്ഥന്റെ മറുപടി. നിയമസഭാ അംഗങ്ങളുടെ വാഹനം പാർക്ക് ചെയ്യാൻ പറ്റില്ലേ എന്ന എം.എൽ.എയുടെ ചോദ്യത്തിന്, എം.എൽ.എമാരുടെ വാഹനം മാത്രമേ പറ്റൂ എന്ന് ഉദ്യോഗസ്ഥൻ ആവർത്തിച്ചു. വാഹനത്തിൽ മലയാളത്തിൽ ബോർഡ് വെച്ചതാകാം ഇതിന് കാരണമെന്ന് അദ്ദേഹം കുറിപ്പിൽ സൂചിപ്പിച്ചു. നിലവിൽ നിയമസഭയുടെ ഔദ്യോഗിക ഭാഷാ സമിതി അധ്യക്ഷൻ കൂടിയാണ് മാത്യു ടി. തോമസ്.

advertisement

അതേസമയം, രാജ്യത്തെ ഏറ്റവും പ്രായം കുറഞ്ഞ എം.എൽ.എ എന്ന റെക്കോർഡിന് ഉടമയാണ് മാത്യു ടി. തോമസ്. 1987-ൽ തന്റെ 25-ാം വയസ്സിലാണ് അദ്ദേഹം തിരുവല്ലയിൽ നിന്നും ആദ്യമായി നിയമസഭയിലെത്തിയത്. 2006 മുതൽ തുടർച്ചയായി എം.എൽ.എയായ അദ്ദേഹം രണ്ടുതവണ മന്ത്രിയുമായിട്ടുണ്ട്.