മലപ്പുറം ജില്ലയിൽ നവീകരിച്ച മൂന്ന് റെയിൽവേ സ്റ്റേഷനുകളുടെ ഉദ്ഘാടനം ഫെബ്രുവരി 26ന്

പാലക്കാട് ഡിവിഷനു കീഴിലെ 16 സ്റ്റേഷനുകളാണ് അമൃത് ഭാരത് പദ്ധതിയിൽ ഉൾപ്പെടുത്തി നവീകരിക്കുന്നത്. പൊള്ളാച്ചി, ഒറ്റപ്പാലം, ഷൊർണൂർ, കുറ്റിപ്പുറം, തിരൂർ, പരപ്പനങ്ങാടി, ഫറോക്ക്, വടകര, പയ്യന്നൂർ, മാഹി, തലശ്ശേരി, കണ്ണൂർ, കാസർകോട്, മംഗളൂരു ജംക്‌ഷൻ, നിലമ്പൂർ റോഡ്, അങ്ങാടിപ്പുറം സ്റ്റേഷനുകളാണ് അമൃത് ഭാരത് പദ്ധതിയിൽ നവീകരിക്കുന്നത്. ഇതിൽ ആദ്യഘട്ട വികസനം പൂർത്തിയാകുന്ന 9 സ്റ്റേഷനുകളുടെ ഉദ്ഘാടനമാണ് 26ന് നടക്കുന്നത്.

മലപ്പുറം ജില്ലയിൽ നവീകരണം പൂർത്തിയായ കുറ്റിപ്പുറം, അങ്ങാടിപ്പുറം, നിലമ്പൂർ സ്റ്റേഷനുകളാണ് ഉദ്ഘാടനം ചെയ്യുന്നത്. തിരൂർ, പരപ്പനങ്ങാടി സ്റ്റേഷനുകളുടെ ഉദ്ഘാടനം പിന്നീട് നടത്തും. ഇതേദിവസം ഒറ്റപ്പാലം, ഫറോക്ക്, തലശ്ശേരി, മാഹി, കണ്ണൂർ എന്നീ സ്റ്റേഷനുകളുടെ ഉദ്ഘാടനവും നടക്കും.

advertisement